பதினாறு சொந்தங்கள் ....!

by **ஹிஷாலீ** Wed Nov 02, 2011 10:18 am

பதினாறு சொந்தங்களும்
பரிமாறும் தருணம் - இதோ

காற்றின் மூச்சில் கைகள்
கோர்க்கும் தாலி
முதல் சொந்தம்

கட்டை விரல் அருகில்
மெட்டி சத்தம்
இரண்டாம் சொந்தம்

பொன் மான் கழுத்திலே
புத்தாடை மோகத்தில்
மாலை மாற்றும்
மூன்றாம் சொந்தம்

ஒளி விடும் கருவியின்
முன் படம் பிடிக்கும்
நாணத்தில் சிவக்கும் வெக்கம்
நான்காம் சொந்தம்

ஐவிரல் கோர்த்து
அக்கினி வளம் வருவது
ஐந்தாம் சொந்தம்

பாலும் பழமும்
பகிர்ந்துண்ணும்
பாசம் ஆறாம் சொந்தம்

தன் வீடு விட்டு
பெண் வீடு செல்லும்
மறு வீடு ஏழாம் சொந்தம்

எட்டு வைத்து நெற்றி
பொட்டு வைத்த வாசலில்
நிறை நாழி கால் தட்டுவது
எட்டாம் சொந்தம்

வகிறார உண்ட பின்
வாயாடும் நலுங்கில்
நயம் பிறக்கும் புன்னகையில்
ஒன்பதாம் சொந்தம்

நீ வேறு நான் வேறு
என்றில்லாமல்
நாம் ஒன்றே என்றது
பத்தாம் சொந்தம்

பத்தும் சொத்தாகும்
பருவங்கள் கூடும்
கட்டில் பந்தம்
பதினொன்றாம் சொந்தம்

முப்பதும் அறுபதும்
முடிந்த பின் முழு
நிலவாய் வளரும் குழந்தை
பன்னிரெண்டாம் சொந்தம்

பன்னிரெண்டு ராசிகளையும்
பதபடுத்தும் பக்குவமும்
பொறுமையும் கடமையும்
பதிமூன்றாம் சொந்தம்

பால் வாடை பெற்ற பின்
மேலாடை அலங்கரிக்கும்
தாய் மாமன்
பதினான்காம் சொந்தம்

வரவு செலவு வாழ்க்கையில்
வறுமை போக்கி
பெருமை காண்பது
பதினைந்தாம் சொந்தம்

இவை எல்லா சொந்தங்களையும்
பெற்ற பின் தங்கள்
ஆயுள் காலத்தை
அதிகரிக்கும் தலைமுறை சொந்தமே
பதினாறாம் சொந்தம்

by சதாசிவம் Wed Nov 02, 2011 10:27 am

கவிதை அருமை மகிழ்ச்சி

முப்பதும் அறுபதும்
இதற்கு என்ன அர்த்தம்

by **இளமாறன்** Wed Nov 02, 2011 11:48 am

வாழ்க்கையின் ஒவ்வொரு நிலையிலும் வளரும் சொந்தங்கள் புன்னகை

by ARR Wed Nov 02, 2011 12:02 pm

சதாசிவம் wrote:கவிதை அருமை

முப்பதும் அறுபதும்
இதற்கு என்ன அர்த்தம்

மோகமும் ஆசையும்.. !

by **ஹிஷாலீ** Wed Nov 02, 2011 12:37 pm

சதாசிவம் wrote:கவிதை அருமை

முப்பதும் அறுபதும்
இதற்கு என்ன அர்த்தம்

அதுவா திருமணம் ஆகி 30 or 60 நாட்களில் குழ்ந்தை பாக்கியம் அதை தான் சொன்னே. ஏதோ நான் படித்த சில கருத்துக்களை வைத்து அதில் தெரிந்த சிலவற்றை வைத்து எழுதினேன்.