ஆண்களே ஜாக்கிரதை -- செல்போனில் மயக்கும் குரலில் பேசி மோசடி- கணவருடன் பெண் கைது

சென்னை, நவ. 1-

திருமணமாகாத வாலிபர்களை குறிவைத்து மோசடியில் ஈடுபட்ட புதுவையை சேர்ந்த கணவன் மனைவியான வெங்கடேசன்- சித்ரா ஆகியோர் கைது செய்யப்பட்டுள்ளனர். இவர்கள் பணம் சம்பாதிப்பதற்காக இன்டர்நெட் மூலம் இளம் வாலிபர்களுக்கு வலைவிரித்துள்ளனர்.

இந்த நூதன மோசடி பற்றிய விவரம் வருமாறு:-

திருமண தகவல் மைய இணைய தளங்கள் மூலமாக வாலிபர்களின் செல்போன் எண்களை சித்ராவும், வெங்கடேசனும் தேடி கண்டுபிடித்துள்ளனர். அதில் ஏதாவது நம்பருக்கு சித்ரா போன் செய்து பேசுவார். நான் அகிலா பேசுகிறேன். திருமணத்துக்கு பெண் தேடிக்கொண்டிருக்கும் உங்களது வெப்சைட்டை பார்த்தேன். உங்களுக்கு ஏற்ற துணைவியாக நான் இருப்பேன். திருமணம் செய்து கொள்ள ஆசைப்படுகிறேன் என மயக்கும் குரலில் சித்ரா பேசுவார்.

எதிர்முனையில் பேசும் வாலிபர் அசடு வழியத் தொடங்கினால் சித்ரா உடனே வெப்சைட் முகவரி ஒன்றை கொடுத்து தன்னைப் பற்றி அதில் பார்த்துக் கொள்ளுங்கள் என்று கூறிவிட்டு போனை துண்டித்து விடுவார். கல்யாண ஆசையில் கனவுகளுடன் காத்திருக்கும் வாலிபர்களும் அந்த “வெப்சைட்” முகவரிக்கு சென்று பதிவு கட்டணத்தை கட்டி பார்த்துள்ளனர். ஆனால் போனில் சித்ரா பேசியது போல எந்த விதமான விவரங்களும் அதில் இல்லாமல் இருந்துள்ளது.

இது போன்று பாதிக்கப்பட்ட வண்ணாரப்பேட்டையை சேர்ந்த வாலிபர் விஜய் போலீஸ் கமிஷனர் திரிபாதியிடம் புகார் செய்தார். அதில் அவர் கூறி யிருப்பதாவது:-

அறிமுகம் இல்லாத செல்போன் எண்ணில் இருந்து, எனது செல்போனுக்கு ஒரு எஸ்.எம்.எஸ். வந்தது. அதில் அகிலா என்ற பெயர் குறிப்பிடப்பட்டு இணைய தள முகவரியும் இருந்தது. இந்த முகவரிக்கு சென்று தகவல்கள் பெறுவதற்காக ரூ.2 ஆயிரம் பணம் கட்டி ஏமாந்துவிட்டேன் என்று கூறியிருந்தார். கூடுதல் கமிஷனர் அபய்குமார் சிங், துணை கமிஷனர் ராதிகா ஆகியோர் மேற்பார்வையில், “சைபர்” கிரைம் கூடுதல் துணை கமிஷனர் டாக்டர் சுதாகர் இன்ஸ்பெக்டர் அன்பரசன் ஆகியோர் விசாரணை நடத்தினர்.

போலீஸ் விசாரணையில் சித்ராவும், வெங்கடேசனும் போலியான இணையதள முகவரியை கொடுத்து மேலும் 4 வாலிபர்களிடம் மோசடி செய்திருப்பது தெரிய வந்தது. 2 பேரையும் போலீசார் கைது செய்தனர்.

மாலைமலர்

நல்ல தகவல் பகிர்தமைக்கு நன்றி


இன்று ஆணுக்குப் பெண் சரிசமம், வேலையில் மட்டுமல்ல, தவறு செய்வதிலும்

இந்த மாதிரி தவறு செய்யும் பெண்களை எல்லாம் கல்லால் அடித்து கொல்ல வேண்டும். பணத்துக்காக என்ன எல்லாம் செய்கிறாள்கள்.

பெண் பேசுகிறாள் என்றவுடன் வழியும் ஆண்களுக்கு ஒரு எச்சரிக்கை பாடம்..

எத்தனை முறை தான் செய்திதாளில் படித்தாலும் சில ஜென்மங்கள் திருந்தவே மாட்டார்கள்..!