அவசரம்...!!

by ரேவதி Tue Nov 01, 2011 3:11 pm

* காலையில் எழுந்து
சுடச்சுட
காபி குடிப்பதில்
அவசரம்...

* நுனிப் புல்லாக
செய்தி தாள்களையும்
தொலைக்காட்சியையும்
பார்த்து முடித்து...
குளியலறை ஓடி
முகம் மழித்து
குளித்து முடித்து
நாலு வாய் உண்டு
முடிப்பதில் அவசரம்...

* இடை இடையே
கேள்வி கேட்கும் மனைவி
மக்களுக்கு பதில் சொல்லாமல்
தலை அசைப்பதில் அவசரம்...

* கிடைத்த வாகனத்தில் ஏறி
அலுவலகம் செல்வதில்
அவசரம்...

* கோப்புக்களைப் பார்த்து
முடிவு எடுப்பதிலும்
கீழுள்ள ஊழியர்களைத்
திட்டித் தீர்ப்பதிலும்
அவசரம்...

* திருமண வீடுகளில்
தலை காட்டி வருவதிலும்
துணி மணி எடுப்பதிலும்
அவசரம்... அவசரம்...

* மனித வாழ்க்கையே
அவசரம் என்றாலும்
கண் மூடி அசையாமல்
சவமாய்
நாம் படுத்திருக்கும் போது
மற்றவர்கள் தான்
அவசரப்படுகின்றனர்...
"சீக்கரம் எடுங்க
ராகு காலம் வந்து விடும்!'

— சொல்கேளான் ஏ.வி.கிரி, தாம்பரம்.

by dsudhanandan Tue Nov 01, 2011 3:15 pm

(பதில் இடுவதில் ஒரு அவசரம்... அதனால் ஒரு ஸ்மைலி மட்டும்)

by **ஹிஷாலீ** Tue Nov 01, 2011 3:15 pm

அவசரம் கவிதை சூப்பர் ரேவதி.

by **சிவா** Tue Nov 01, 2011 4:07 pm

நம் இன்றைய வாழ்வை அழகாகச் சித்தரிக்கும் கவிதை!

by ARR Tue Nov 01, 2011 4:30 pm

சிவா wrote:நம் இன்றைய வாழ்வை அழகாகச் சித்தரிக்கும் கவிதை!

நாளைய முடிவையும்..!

மகிழ்ச்சி

by **ஜாஹீதாபானு** Tue Nov 01, 2011 5:09 pm

by உதயசுதா Tue Nov 01, 2011 5:22 pm

உண்மைதான் அவசரம் avasaram என்று நாம் ஓடி நாம செத்தபின் நாம் உடலை எடுப்பதிலும் அவசரம்தான் .இன்றைய நிலைய அழகா சொல்லி இருக்காங்க.பகிர்ந்தமைக்கு நன்றி ரேவதி