துணை' பதவி தேர்தலில் அ.தி.மு.க.,வுக்கு ஆதரவு: விஜயகாந்த் ரகசிய உத்தரவு

by **இளமாறன்** Sat Oct 29, 2011 12:25 am

துணை மேயர், துணைத்தலைவர் உள்ளிட்ட பல்வேறு பதவிகளுக்கு இன்று நடக்கவுள்ள மறைமுக தேர்தலில், அ.தி.மு.க.,வுக்கு ஆதரவாக, தே.மு.தி.க.,வினர் செயல்பட வேண்டும் என, அக்கட்சி தலைவர் விஜயகாந்த் ரகசிய உத்தரவிட்டுள்ளார்.

தமிழகம் முழுவதும், 10 மாநகராட்சி துணை மேயர்கள், 125 நகராட்சி துணைத்தலைவர்கள், 529 பேரூராட்சி துணைத்தலைவர்கள், 31 மாவட்ட தலைவர்கள், ஒன்றிய தலைவர்கள், துணைத்தலைவர்கள், 12 ஆயிரத்து 524 ஊராட்சி துணைத்தலைவர் பதவிகளுக்கான மறைமுக தேர்தல் இன்று நடக்கிறது.இத்தேர்தலில் மாநகராட்சி கவுன்சிலர்கள் ஓட்டளித்து துணை மேயர்களையும், நகராட்சி, பேரூராட்சி கவுன்சிலர்கள் ஓட்டளித்து துணைத்தலைவர்களையும், மாவட்ட கவுன்சிலர்கள் ஓட்டளித்து மாவட்ட தலைவர், துணைத்தலைவரையும், ஒன்றிய கவுன்சிலர்கள் ஓட்டளித்து ஒன்றிய தலைவர், துணைத்தலைவரையும், ஊராட்சி உறுப்பினர்கள் ஓட்டளித்து ஊராட்சி துணைத்தலைவரையும் தேர்ந்தெடுக்க இருக்கின்றனர்.

இந்த தேர்தலுக்கான ஏற்பாடுகள் தயார் நிலையில் உள்ளன. மாநகராட்சிகளில் கவுன்சிலர்களை, அ.தி.மு.க., அதிகளவில் கைபற்றியுள்ளதால், துணை மேயர் பதவிகளை அக்கட்சியே கைப்பற்றும் நிலையுள்ளது. நகராட்சி, பேரூராட்சி தலைவர்களை, அ.தி.மு.க., கைப்பற்றினாலும், துணைத்தலைவர் பதவிகளை கைப்பற்றுவதற்கு ஏற்ப சில இடங்களில் கவுன்சிலர்களின் எண்ணிக்கை போதுமான அளவில் இல்லை. பல இடங்களில், தி.மு.க., சமபலத்துடன் இருப்பதே இதற்கு காரணமாக அமைந்துள்ளது.சுயேட்சைகள் மற்றும் பிற கட்சி கவுன்சிலர்களின் ஆதரவு கிடைத்தால், அ.தி.மு.க., - தி.மு.க., துணைத்தலைவர் பதவிகளையும், ஒன்றிய தலைவர், துணைத்தலைவர் பதவிகளையும் கைப்பற்றுவதற்கு வாய்ப்புள்ளது. இதற்காக இப்பதவிகளை கைப்பற்ற முயலும், தி.மு.க.,வினர் தரப்பில், மற்ற கட்சி கவுன்சிலர்கள் மற்றும் சுயேட்சைகளை இழுக்க பேரம் நடந்து வருகிறது.

ஆனால், துணைப்பதவிகளுக்கான தேர்தலில், தே.மு.தி.க., கவுன்சிலர்கள், தி.மு.க.,வுக்கு விலைப்போகக்கூடாது. அ.தி.மு.க.,வினருக்கு ஆதரவாக செயல்பட வேண்டும் என, தே.மு.தி.க., தலைவர் விஜயகாந்த் ரகசிய உத்தரவிட்டுள்ளார்.மாவட்ட செயலர்கள் மூலம், தே.மு.தி.க., கவுன்சிலர்களுக்கு இதுகுறித்த தகவல் தெரிவிக்கப்பட்டுள்ளது. மேலும், அ.தி.மு.க.,வுக்கு ஆதரவாக செயல்படுவதற்கு பணமோ, பொருளோ வாங்கக்கூடாது. அவ்வாறு வாங்கியதாக தகவல் கிடைத்தால், அத்தகைய கவுன்சிலர்கள், கட்சியில் இருந்து நீக்கப்படுவர் என, விஜயகாந்த் எச்சரித்துள்ளதாகவும் தெரிகிறது.

தினமலர்

by **பிளேடு பக்கிரி** Sat Oct 29, 2011 11:58 am

by **உமா** Sat Oct 29, 2011 1:01 pm

அ.தி.மு.க.,வுக்கு ஆதரவாக, தே.மு.தி.க.,வினர் செயல்பட வேண்டும் என, அக்கட்சி தலைவர் விஜயகாந்த் ரகசிய உத்தரவிட்டுள்ளார்.

அந்த ரகசியம் பத்திரிக்கைக்கு எப்படி தெரிந்தது,,,,இதற்க்கு பெயர் ரகசியமா.... சிரிப்பு

by **ந.கார்த்தி** Sat Oct 29, 2011 1:04 pm

உமா wrote:
அ.தி.மு.க.,வுக்கு ஆதரவாக, தே.மு.தி.க.,வினர் செயல்பட வேண்டும் என, அக்கட்சி தலைவர் விஜயகாந்த் ரகசிய உத்தரவிட்டுள்ளார்.

அந்த ரகசியம் பத்திரிக்கைக்கு எப்படி தெரிந்தது,,,,இதற்க்கு பெயர் ரகசியமா....

by Sponsored content

துணை' பதவி தேர்தலில் அ.தி.மு.க.,வுக்கு ஆதரவு: விஜயகாந்த் ரகசிய உத்தரவு

துணை' பதவி தேர்தலில் அ.தி.மு.க.,வுக்கு ஆதரவு: விஜயகாந்த் ரகசிய உத்தரவு

Re: துணை' பதவி தேர்தலில் அ.தி.மு.க.,வுக்கு ஆதரவு: விஜயகாந்த் ரகசிய உத்தரவு

Re: துணை' பதவி தேர்தலில் அ.தி.மு.க.,வுக்கு ஆதரவு: விஜயகாந்த் ரகசிய உத்தரவு

Re: துணை' பதவி தேர்தலில் அ.தி.மு.க.,வுக்கு ஆதரவு: விஜயகாந்த் ரகசிய உத்தரவு

Re: துணை' பதவி தேர்தலில் அ.தி.மு.க.,வுக்கு ஆதரவு: விஜயகாந்த் ரகசிய உத்தரவு