தீபாவளி படங்களின் எண்ணிக்கை குறைந்தது

by **இளமாறன்** Fri Oct 21, 2011 12:57 am

Print | E-mail
வியாழக்கிழமை, 20, அக்டோபர் 2011 (9:3 IST)

தீபாவளி படங்களின் எண்ணிக்கை குறைந்தது

எந்த வருடமும் இல்லாத அளவுக்கு, தீபாவளி படங்களின் எண்ணிக்கை 3 ஆக குறைந்தது. விஜய் நடித்த `வேலாயுதம்,' சூர்யா நடித்த `7-ஆம் அறிவு' ஆகிய 2 படங்களும் நேரடியாக மோதுகின்றன.

தீபாவளி என்றாலே புது துணி, பட்டாசு, புதிய படங்கள் ஆகிய மூன்றும்தான் நினைவுக்கு வரும். முன்பெல்லாம் தீபாவளி விருந்தாக 10 அல்லது 12 படங்கள் திரைக்கு வரும்.

இப்போது, வாரந்தோறும் 4 அல்லது 5 படங்கள் திரைக்கு வருவதால்தானோ என்னவோ, தீபாவளி படங்களின் எண்ணிக்கை 3 ஆக குறைந்து விட்டது. அதிலும், நேரடி தமிழ் படங்கள் இரண்டே இரண்டுதான்.

அதில் ஒன்று, விஜய் நடித்த `வேலாயுதம்.' இந்த படத்தை ஆஸ்கார் பிலிம்ஸ் வி.ரவிச்சந்திரன் தயாரித்து இருக்கிறார். எம்.ராஜா டைரக்டு செய்துள்ளார். விஜய் ஜோடியாக ஜெனிலியா, ஹன்சிகா ஆகிய இருவரும் நடித்து இருக்கிறார்கள்.

பால் வியாபாரம் செய்யும் ஒரு இளைஞனையும், அவனுடைய தங்கை மற்றும் காதலியை சுற்றி வரும் கதை இது. தன் தங்கைக்காக வாழ்ந்து கொண்டிருக்கும் ஒருவன், ஆயிரக்கணக்கான தங்கைகளுக்கு அண்ணனாக மாறுகிற கதை. சாதாரண கிராமத்து இளைஞனாக இருந்த அவன், எப்படி தலைவனாக மாறவேண்டிய சூழ்நிலை ஏற்படுகிறது? என்பதை கதை சித்தரிக்கிறது.

இன்னொரு படம், சூர்யா நடித்த `7-ஆம் அறிவு.' இந்த படத்தை ரெட்ஜெயன்ட் நிறுவனம் சார்பில் உதயநிதி ஸ்டாலின் தயாரித்து இருக்கிறார். ஏ.ஆர்.முருகதாஸ் டைரக்டு செய்துள்ளார். சூர்யா ஜோடியாக சுருதிஹாசன் நடித்து இருக்கிறார்.

இன்றைய அறிவியலை விட, நம் மூதாதையர்களின் அறிவியல் உலக அளவில் எவ்வளவு முன்னோடியானது என்ற கருவை அடிப்படையாக கொண்ட படம் இது. இந்த படத்தில் சூர்யா 2 விதமான தோற்றங்களில் வருகிறார்.

தீபாவளி வெளியீடாக திரைக்கு வர இருக்கும் மற்றொரு படம், `ரா-1.' சாருக்கான் நடித்த இந்தி படம் இது.

நக்கீரன்

by **Manik** Fri Oct 21, 2011 10:40 am

அண்ணா தப்பா சொல்லிட்டீங்க

விஜய் - வேலாயுதம்
சூர்யா - 7ம் அறிவு
சாருக்கான் - ரா 1
தனுஷ் - மயக்கம் என்ன
சிம்பு - ஒஸ்தி

இது எல்லா படமும் தீபாவளிக்கு வருது அண்ணா