சைபர் வாட்டும்.. ஒரு நிலவும்.

by **rameshnaga** Thu Oct 20, 2011 5:47 pm

நிலவைக் கை காட்டி ஏதேதோ பேசுகிறேன்....
குழந்தையிடம்.
நிலவிற்கும், குழந்தைக்கும்
என்ன புரிந்ததென்று தெரியவில்லை.
மறு நாள் ...
நிலவு பௌர்ணமி ஆகிவிட ...
குழந்தை சிரிக்கிறது...
"குழி விழுந்த கன்னத்துடன்".
***************************************
இருட்டு நிசப்தமாகிவிடுகிறது ....
கேட்கத் துவங்கும் பறவையின் குரலில்
தெறிக்கிறது...பகல் தேடும் ஏக்கம்.
****************************************
யானை சாப்பிட்டுக் கொண்டிருக்கிறது.
சிந்தியதை இழுக்கப் பிரயத்தனப்படுகின்றன எறும்புகள்.
எறும்புகளை...மிதித்து நசுக்கும் மனிதன்..
யானையை..வேடிக்கை பார்த்துக் கொண்டிருக்கிறான்.
******************************************
ஐஸ் பாக்ஸுக்குள்...நான்.
"கெட்டுப் போய்" விடக் கூடாதாம்.
சிரிக்கிறேன்..
இன்னமும் என்ன பாக்கி இருக்கிறது...
"நான்"-கெட்டுப் போக?.
*******************************************
தூண்டிலில் இருந்து தப்பி விடுகிறது மீன்.
தாறு மாறாய்..நீந்தியபடி
தன் கவிதையை எழுதுகிறது நதியில்..
என்னைப் பார்த்து இளித்தபடி.
********************************************
அலுவல் நேரம் முடிகிறது...
"எழுத்தராய்" இருந்தவள்..
"அம்மா"-வாகி விடுகிறாள்..
ஏணையில் தூங்கும் குழந்தையை நினைத்தபடி.
**********************************************
சைபர் வாட் வெளிச்சங்களில் மிதக்கும்
வீடுகளைப் பார்த்தபடி..மிதந்து போகிறது நிலவு.
தன் வெளிச்சத்தின் அளவைக் கணக்கிடுகிறது...
வீடுகளில் தெரியும் வெளிச்சங்களோடு..
இறுமாப்பின் நிழல் படிய....
அணைந்து விடுகிறது வைகறையில்.
************************************************
நான் பாடிக் கொண்டிருக்கிறேன்..
பின்னங்காலையும், முன்னங்காலையும்
தட்டித்..தட்டி.."சபாஷ்" போடுகிறது "ஈ".
**************************************************

by **ஜாஹீதாபானு** Thu Oct 20, 2011 5:59 pm

அனைத்தும் அருமை சூப்பருங்க

by **Aathira** Thu Oct 20, 2011 6:03 pm

//அலுவல் நேரம் முடிகிறது...
"எழுத்தராய்" இருந்தவள்..
"அம்மா"-வாகி விடுகிறாள்..
ஏணையில் தூங்கும் குழந்தையை நினைத்தபடி.//

//ஐஸ் பாக்ஸுக்குள்...நான்.
"கெட்டுப் போய்" விடக் கூடாதாம்.
சிரிக்கிறேன்..
இன்னமும் என்ன பாக்கி இருக்கிறது...
"நான்"-கெட்டுப் போக?.//
அத்தனையும் சிந்தனையின் சிகரமாக உள்ளன. இவை ஆழமான பொருளைத் தாங்கி அவற்றின் கொடுமுடியக உள்ளன. சூப்பருங்க

by **rameshnaga** Thu Oct 20, 2011 6:04 pm

ரொம்பவும் நன்றி! ஜாஹீதா பானு.
ரொம்பவும் நன்றி! ஆதிரா.

by **கே. பாலா** Thu Oct 20, 2011 6:06 pm

நிர்வாக குழுவினருக்கு ஒரு அன்பு வேண்டுகோள் !
ரமேஷ்நாகா கவிதைகளுக்கு மட்டும் ஒரு லைக் கிளிக் செய்தால் 100 மதிப்பீடு உயரும்படி செய்யமுடியுமா ???? சூப்பருங்க

by **rameshnaga** Thu Oct 20, 2011 6:09 pm

கே. பாலா wrote:நிர்வாக குழுவினருக்கு ஒரு அன்பு வேண்டுகோள் !
ரமேஷ்நாகா கவிதைகளுக்கு மட்டும் ஒரு லைக் கிளிக் செய்தால் 100 மதிப்பீடு உயரும்படி செய்யமுடியுமா ????

ரொம்ப....ரொம்ப.....ரொம்ப....நன்றி கே.பாலா...உங்களுடைய
மனம் கனிந்த பாராட்டுதல்களுக்கு.