சிலந்திகள் நாம்! வீழ்ந்துபின் எழுவோம் (கவிதை)

by **kirikasan** Sat Oct 15, 2011 2:32 pm

பாட்டெதற்குப் பாடியே பரமனவர் பட்டதனை
பாவிநான் மறக்கலாமோ
போட்டுடைத்து ஆடிப்பெரும் பூமியில் புயலடிக்க
பூமலர்கள் தூவலாமோ
ஏட்டெதற்கு என்றெழுதி இதயம் கனத்துவிட
இன்னுமே எழுதலாமோ
நீட்டியொரு பாய்விரித்து நிமிர்ந்து படுத்துமனம்
நிம்மதியைக் காணுமாமோ

நாடெதற்கு நாயுடனே நரிகள் அரசுகொள்ள
நானெதற்கு என்னலாமோ
வீடெதற்கு என்றவனோ விறகாய் கொழுத்திவிட
விட்டுமோடிச் செல்லலாமோ
ஆடெதற்கு என்றவரும் அறுத்துக் கறிசமைக்க
ஆகா ருசி என்னலாமோ
வேடமிட்டு சூழ்ந்துவந்து வேதனை விளைப்பவனை
வேடிக்கையென் றெண்ணலாமோ

தோலுரித்து வெயிலில் துடிக்க விரிப்பவனைத்
தோழனென்று கொள்ளலாமோ
நாலுபேரைத் தூக்கவிட்டு நடுவில் படுக்கவைக்க
நாமும்சரி என்னலாமோ
வாலிருக்க தீயைவைத்து வந்திருந்த தூதனையும்
விட்டுவைத்த தீதுயாரோ
காலிருக்க ஒடியவன் கனத்த அனல்எரித்துக்
கண்டநிலம் தீயுதாமோ

வேலிருக்க என்னபயம் வென்றுவிடு என்றவனும்
வீதியிலே நிற்கலாமோ
கோலிருக்கு ஆளுங்குடை கொண்டிருக்கு என்றவுடன்
கோவிலும் பறிக்கலாமோ
ஆலிருக்கு அரச மரமிருக்கு என்றவுடன்
அந்த இடம் புத்தமாமோ
வேலிருக்கு வேம்புடனே வேங்கையும் பரந்திருந்தால்
விட்டுஓடிச் செல்லுவாரோ

கூழிருக்கு சோறுகஞ்சி குடித்துப் படுத்தமண்ணை
கூலிபெற்று விற்கலாமோ
தோழிருக்கு மீசைஇன்னும் துடித்து உணர்விருக்க
தோல்விஎன்று சொல்லலாமோ
ஆளிருத்தி வாழ்வழித்து அவலமிடப் பொறுத்து
ஆக இன்னும் தூங்கலாமோ
நாளிருக்கு நமக்கில்லை நாமிருப்ப தூரமென
நாஒறுக்க ஊமையாமோ

ஏழிருக்கு ஏழரையில் ஏறியேசனியிருக்க
எல்லாம்விதி என்பதாமோ
ஊழிருக்கு செய்தவினை உற்றழியகாலமிது
ஒன்றும்பயன் இல்லையென்பதோ
நூலுடன் சிலந்திவலை நாலுதரம் வீழ்ந்தெழுந்து
நெய்தகதை நீபடித்தையோ
போலிருக்கு பூமிதனில் புன்மைதரும்வாழ்வு நீயும்
போயெழுந்து தீரம் கொள்வையோ

by **kirikasan** Sat Oct 15, 2011 2:42 pm

சிலந்தியும் அரசனும் (தெரியாதவர்க்கு)

ப்ரூஸ், போரில் தோற்றுப்போய் நாட்டை இழந்து, காட்டிலே
தலைமறைவாக வாழ்ந்து கொண்டிருந்தான். சோர்வுடன்
அவன் படுத்துக் கொண்டிருந்த போது, சுவரின் மீது சிலந்திப்பூச்சி
ஏறிக் கொண்டிருப்பதைப் பார்த்தான். அது தன்னுடைய
கூட்டை நெருங்கிய போது வழுக்கிக் கீழே விழுந்தது. கீழே விழுவதும், மறுபடியும் ஏறுவதுமாகப் பலமுறை முயன்று
இறுதியில் வெற்றி பெற்றது.

தோல்விகளைப் பொருட்படுத்தாமல் தன்னுடைய இருப்பிடத்தை அடையும் வரையில் சிலந்தி காட்டிய விடா முயற்சியிலிருந்து ப்ரூஸ் ஒரு பாடத்தைக் கற்றுக் கொண்டான். அவனு டைய உள்ளத்தில் நம்பிக்கை ஒளி பிறந்தது. சிதறிக் கிடந்த தன்னுடைய படைகளை மறுபடியும் ஒன்று திரட்டினான். போரில் பகைவர்களை வென்று நாட்டை மீட்டு மீண்டும் அரசனான்

by அன்பு தளபதி Sat Oct 15, 2011 2:53 pm

உங்களை தற்பொழுது ஈகரையில் காண முடிவதில்லையே அண்ணா, இருப்பினும் நீண்ட நாளுக்கு நல்ல கவிதையுடன் உங்களை காண்கிறேன், பத்திரகிரியாரின் மெய்ஞான புலம்பல் போல இது கிரி அண்ணனின் தன்னம்பிக்கை அறைகூவல்

by **kirikasan** Sat Oct 15, 2011 3:07 pm

maniajith007 wrote:உங்களை தற்பொழுது ஈகரையில் காண முடிவதில்லையே அண்ணா, இருப்பினும் நீண்ட நாளுக்கு நல்ல கவிதையுடன் உங்களை காண்கிறேன், பத்திரகிரியாரின் மெய்ஞான புலம்பல் போல இது கிரி அண்ணனின் தன்னம்பிக்கை அறைகூவல்

நான் தினமும் பலதடவைகள் வருவேன் ஊட்டமிடுவது சற்றுக்குறைவு. முக்கியமாக இப்போது ஒரு விளையாட்டு முன்னையதுபோல் செய்து கொண்டிருப்பதால் நேரம் அதனோடுபோய்விடுகிறது. செய்துமுடிக்க இன்னும் இரண்டு வாரம் பிடிக்கலாம். ஒருவாரத்தில் முடிக்க முயற்சிக்கிறேன்
டெமோ பார்க்க வேண்டும்தானே ! சிறிது நேரத்தில் !

Going to the movie!
படத்துக்குப் போவோமா?

by sshanthi Sat Oct 15, 2011 3:10 pm

அருமையான கவிதை

by அன்பு தளபதி Sat Oct 15, 2011 3:19 pm

kirikasan wrote:
நான் தினமும் பலதடவைகள் வருவேன் ஊட்டமிடுவது சற்றுக்குறைவு. முக்கியமாக இப்போது ஒரு விளையாட்டு முன்னையதுபோல் செய்து கொண்டிருப்பதால் நேரம் அதனோடுபோய்விடுகிறது. செய்துமுடிக்க இன்னும் இரண்டு வாரம் பிடிக்கலாம். ஒருவாரத்தில் முடிக்க முயற்சிக்கிறேன்
டெமோ பார்க்க வேண்டும்தானே ! சிறிது நேரத்தில் !

Going to the movie!
படத்துக்குப் போவோமா?

நிச்சயம் வெற்றி அடைவீர்கள்
வாருங்கள் செல்வோம் திரைபடத்திற்கு
the big year

by Sponsored content

சிலந்திகள் நாம்! வீழ்ந்துபின் எழுவோம் (கவிதை)

சிலந்திகள் நாம்! வீழ்ந்துபின் எழுவோம் (கவிதை)

Re: சிலந்திகள் நாம்! வீழ்ந்துபின் எழுவோம் (கவிதை)

Re: சிலந்திகள் நாம்! வீழ்ந்துபின் எழுவோம் (கவிதை)

Re: சிலந்திகள் நாம்! வீழ்ந்துபின் எழுவோம் (கவிதை)

Re: சிலந்திகள் நாம்! வீழ்ந்துபின் எழுவோம் (கவிதை)

Re: சிலந்திகள் நாம்! வீழ்ந்துபின் எழுவோம் (கவிதை)

Re: சிலந்திகள் நாம்! வீழ்ந்துபின் எழுவோம் (கவிதை)