அஜீத்துடன் நிறைய சண்டை போட்டுள்ளேன்: ஷாருக்கான்

சென்னையில் உள்ள சத்யம் திரையரங்கிற்கு இன்று காலை 9.30 மணியளவில் ஷாருக்கான் வந்தார்.
இசை மற்றும் டிரைலர் வெளியீட்டு விழாவில் ஷாருக்கான் கலந்து கொண்டு சென்னை ரசிகர்களை உற்சாகப்படுத்தினார்.

இதற்கு முன்பு ஷாருக்கான் நடிப்பில், மணிரத்னம் இயக்கிய தில்சே இந்தி படம் தமிழில் உயிரே என்ற பெயரில் வெளியானது. கமல்ஹாசன் இயக்கி நடித்த ஹேராம் படத்திலும் அவர் நடித்திருந்தார்.

மேலும் அவர் அஜீத்துடனும் அசோகா என்ற படத்தில் ஷாருக்கான் நடித்துள்ளார். இதைத் தொடர்ந்து ரா-1 படம் தீபாவளி அன்று வெளியாகிறது. இந்த விழாவில் இயக்குனர் மணிரத்னம், நடிகை சுகாசினி, ரஜினிகாந்த் மகள் சவுந்தர்யா ஆகியோர் கலந்து கொண்டனர். விழா முடிந்து பத்திரிக்கையாளர் சந்திப்பில் கலந்து கொண்டர் ஷாருக்கான். அங்கு வந்துள்ள பத்திரிக்கையாளர்கள் தங்களின் சில கேள்விகளை எழுப்பினர்.

தமிழ் சினிமாவைப் பற்றிய உங்கள் கருத்து?
உலகின் தலைசிறந்த சினிமா டெக்னீஷியன்களும், நடிகர்களும் சென்னையில் உள்ளனர். இங்கு தயாராகும் படங்கள் உலகத்தரத்தில் உள்ளன. இதை நான் பல இடங்களில் சொல்லியிருக்கிறேன்.

ரா-1 படத்தில் ரஜினி நடித்திருக்கிறாரே?
ரஜினி என் படத்தில் நடித்தது மகிழ்ச்சியான விஷயம். சிறு வயதில் அவர் படப்பிடிப்புகளை தூரத்தில் இருந்து பார்த்து உள்ளேன். அப்போது அவரை சந்திக்க முடியுமா? என்று ஏங்கியது உண்டு. இன்று அவர் என் படத்தில் நடித்தது மகிழ்ச்சியான அனுபவம். ரஜினி மாதிரி சிறந்த பண்பாளரை பார்ப்பது அரிது. ரஜினி மகள் சவுந்தர்யா உயர்ந்த நிலையில் இருந்தாலும் கூட பழகுவதற்கு எளிமையானவர். அவர் எனக்கு செய்த உதவியை மறக்க முடியாது.

தமிழ் படங்கள் இந்தியில் ரீமேக் ஆகிறது. நீங்கள் நடிக்க விரும்பும் படம் எது?
அப்படி எதுவும் இன்னும் அமையவில்லை. ( ரசிகர்கள் சிவாஜி! என்று சத்தம் போட்டனர்) ரஜினி படத்தை ரீமேக் செய்து என்னால் நடிக்க இயலாது. நான் மட்டும் அல்ல வேறு யாரும் நடிக்க முடியாது. அப்படி நடித்தால் அது சரியான விஷயமாய் இருக்காது.

தமிழ் நடிகர்கள் ரஜினி, கமல், அஜீத் ஆகியோரோடு நடித்திருக்கிறீர்கள் அது பற்றி?
உலகின் இரு பிரபலாமன நடிகர்களான ரஜினி, கமலோடு நான் நடித்திருப்பது மகிழ்ச்சி. என் நண்பர் சந்தோஷ் சிவன் இயக்கிய அஷோகா படத்தில் அஜீத்தும் நானும் இணைந்து நடித்தோம். அஜீத்துக்கும் நான் நன்றி சொல்லவேண்டும். அவரோடு அந்த படத்தில் நிறைய சண்டை போட்டுள்ளேன். அந்த படத்தின் சண்டைக் காட்சிகளில் அஜீத் ஒத்துழைத்து நடித்தார். அவர் மீதும் எனக்கு அன்பு உண்டு. அவரை சந்தித்தால் அதிலும் மகிழ்ச்சி.

அதைத் தவிர்த்து மணிரத்னம், ஷங்கர் என தமிழில் பல இயக்குனர்கள் எனக்கு நண்பர்கள். மேலும் ஷாருக் தொடர்ந்து என் படங்கள் தமிழிலும் வெளியாக வேண்டும் என்றே விருப்புகிறேன் என்றார்.



viduppu