மனிதன் தோன்றியது எப்படி?

by **ந.கார்த்தி** Wed Oct 05, 2011 2:48 pm

கடந்த 40,000 ஆண்டுகளில் மனித இனம் சக குரங்கு இனத்தலிருந்து தன்னை மாற்றிக் கொண்டது. ஆயுதம், சடங்குகள், கலை, இலக்கியம், கட்டடம், தொழில்நுட்பம், ஆன்மிகம், கோயில்கள்.... இப்படி எத்தனை எத்தனை விதத்தில் மனிதன் வேறுபட்டிருக்கிறான். இதற்கெல்லாம் காரணமென்ன?
இப்படிப்பட்ட மனித வளர்ச்சிக்கு அடிப்படையாக இருந்தது பெருமூளை என்று புத்தகங்கள் கூறும். மூளை மட்டும் இருந்துவிட்டால் போதுமா? அதன் கட்டளைகளை செய்து முடிக்க ஏற்ற உடல் வேண்டாமா?

1. நிமிர்ந்த உடல், இரண்டு கால்களில் நடப்பது, கண்ணிமைக்கும் நேரத்தில் 360 டிகிரி சுற்றிப் பார்ப்பதற்கு வசதியாக நெட்டுக்குத்தான நிமிர்ந்த உடல். இரண்டே கால்களால் நாலுகால் பாய்ச்சலுக்குச் சமமாக ஓடும் சாமர்த்தியம். நான்கில் இரண்டு விடுதலை பெற்று கைகளாக மாறியதுகூட உடல் நிமிர்ந்ததால்தான்.

2. தட்டையான முகத்தில் கண்களிரண்டும் சமதளத்தில் அமைந்துவிட்டதால் பைனாக்குலர் பார்வை கிடைத்தது. இதனால் நேராக வரும் ஆயுதங்களின் வேகத்தை அறிந்து அதிலிருந்து தப்பமுடிகிறது (இன்று கிரிக்கெட் பந்தை சமாளிப்பதும் இதனால்தான்).

3. கைகளில் கட்டை விரல் மற்ற விரல்களிலிருந்து பிரிந்து நிற்பதால், எல்லா விரல்களின் நுனியையும் தொடு முடிகிறது. இதுவும் ஒரு முக்கியமான மாற்றம். ஊசியைக்கூட சுலபமாக தரையிலிருந்து பொறுக்கி எடுக்க மனிதனைத்தவிர வேறெந்த விலங்காலும் முடியாது. இசைக்கருவி வாசிப்பது முதல், கத்தரிக் கோல் வெட்டுவதுவரை அனைத்துக்கும் பேருதவியாக இருப்பது கட்டைவிரல்தான். ஏகலைவனின் கட்டைவிரலை துரோணர் குருதட்சினையாகக் கேட்டு வாங்கியதன் இரகசியம் இதுதானே.

4. பேச்சு... ஒரு சந்ததியில் பெற்ற வெற்றிக் கனிகளை சந்தததிதோறும் கொண்டு செல்ல உதவியாக இருந்தது பேச்சுத்திறன்தானே. பேச்சினால் மொழியும் இலக்கியமும் அறிவியலும் வளர்ந்தது, பரவியது. மனித உடலிலும், நடத்தையிலும் ஏற்பட்ட மாற்றங்களுக்குப் பின்னணியாக, வெளிப்படையாகத் தெரியாமல், சூட்சுமமாக இருப்பவை ஜீன் மாற்றங்களே. ஜீன்களில் மாற்றம் நிகழாமல் உடல் மாற்றங்கள் நிகழ வாய்ப்பே இல்லை.

நான் நாத்திகன் நன்றி

by kitcha Wed Oct 05, 2011 3:00 pm

கட்டுரை.பகிர்விற்கு நன்றி.

யோசித்துக் கொண்டு தான் இருக்கிறார்கள்.எப்படி தோன்றினான் என்று.
இது ஒரு புரியாத புதிர்.மர்ம உலகம்.இதற்கான முடிச்சு இன்னும் அவிழ்க்கப் பட வில்லை

by சார்லஸ் mc Mon Dec 12, 2011 1:00 am

நாத்திகனாக இருப்பதினால்தான் இந்த பிரச்சினை. ஆத்திகனாக இருப்பவனுக்கு இந்த கேள்வியே வராது. ஏனென்றால் அவனுக்கு பதில் தொியும். அவனை படைத்தது கடவுள் என்று.
ஐயோ பாவம்! நாத்திகா்கள் தங்கள் மூதாதையா்கள் யாா் என்பதை அவா்களே ஒத்துக் கொண்டதற்கு பாராட்ட வேண்டும்.
40,000 ஆண்டுகளாக இருக்கும் குரங்குகள் இன்றும் ஏன் மனிதனாக மாறவில்லை??!!

by Sponsored content

மனிதன் தோன்றியது எப்படி?

மனிதன் தோன்றியது எப்படி?

Re: மனிதன் தோன்றியது எப்படி?

Re: மனிதன் தோன்றியது எப்படி?

Re: மனிதன் தோன்றியது எப்படி?