பச்சைப்பயிறு இட்லி சாட் ஸ்டார் ஃப்ரை

by prlakshmi Sun Sep 25, 2011 9:18 am

பச்சைப்பயிறு இட்லி சாட் ஸ்டார் ஃப்ரை(இரண்டுபேர் சாப்பிட)
தேவைப்படும் பொருட்கள்
5 வேகவைத்த இட்லி
சீரகம் சிறிதளவு
அரைலிட்டர் எண்ணெய்-(அவரவர் விருப்பத்திற்கேற்ப-சமையல் எண்ணெய் மட்டும்)
மசாலாபொரி, நெய்யில்வறுத்த வேர்கடலை, முந்திரி-தேவைக்கேற்ப
பச்சைப்பயிறு முளை கட்டி வேக வைத்தது
வட்டவடிவமாக அறுத்த தக்காளி,மற்றும்சீஸ்,வெள்ளரி-கடைசியாக அலங்கரிக்க
பிரியாணிமசாலா(கடையில் கிடைப்பதையும்பயன்படுத்தலாம்)-சிறிதளவு
பச்சைப்பயிறினை முந்தையஇரவு ஊறவைத்து (2மணிநேரம்)தண்ணீர வடியவைத்தபின் நன்கு நனைத்துப் பிழிந்த வெள்ளைத்துணியில் கட்டித்தொங்கவிடவேண்டும்.மறுநாள் மாலையில் எடுத்துப்பார்த்தால் பச்சைப்பயிறு முளைவிட்டிருக்கும்.ஃபிரிட்ஜிலும் வைக்கலாம்.
பச்சைப்பயிறுடன் சிறிது பச்சைமிளகாய் சேர்த்துவேக வைத்து எடுக்கவும். பின்னர் அதில் சிறிதளவு உப்பு சேர்க்கவும். இட்லியைக் கையினாலோ அல்லது மிக்ஸியிலோ அரைத்து பிரியாணி மசாலா பவுடர் மற்றும் சீரகம் கலந்து முறுக்குப் பலகையில் ஸ்டார் அச்சினை வைத்து காய வைத்த எண்ணெயில் போட்டு எடுக்கவும்.சிவக்க வந்தவுடன் வடிதட்டில் இட்டு ஆறியவுடன் மசாலாபொரி, நெய்யில் வறுத்த வேர்கடலை, முந்திரி,சீஸ்,முளைகட்டிய பச்சைப்பயிறு –இவற்றைத் தட்டில் கொட்டி நடுவில் வறுத்த ஸ்டார் இட்லியை வைத்து அதன்மேல் அலங்கரிக்க அறுத்த தக்காளி,வெள்ளரி வைத்து பரிமாறவும்.தேவைப்பட்டால் அவரவர் சுவைக்கு ஏற்ப சாஸும் தொட்டுக் கொள்ளலாம்.