மனதில் நின்ற சில புகைப்படங்கள்

by jesudoss Sun Sep 18, 2011 1:38 am

முடியலை சாமி... : மத்திய அமைச்சர் சிதம்பரத்திற்கு பிறந்தநாள் வாழ்த்து சொல்லவிரும்பிய தொண்டர் ஒருவர், அமைச்சரை கிருஷ்ணராக கற்பனை செய்து போஸ்டர் ஒட்டி மகிழ்ந்துள்ளார்

லாரியோடு வரலாமோ... : முதல்வர் கொடுத்துவரும் பேன்,கிரைண்டர்,மிக்சி போன்ற விலையில்லாத பொருட்களை உறவினர் சகிதம் வாங்கவருபவர்கள்,தாங்கள் வாங்கிய பொருட்களை மூன்று சக்கர சைக்கிள் வாகனத்தில் ஏற்றுகின்றனர்

அம்மா...அம்மா... : உலகில் தாய் பாசத்திற்கு இணையாக எதுவும் இல்லை என்பதை எடுத்துச் சொல்லும் படமிது. காச நோய் வந்ததன் காரணமாக,கட்டிய மனைவி,பெற்ற பிள்ளை,உடன்பிறப்பு,நட்பு என்று எல்லாரும் விட்டுவிட்டு போக,பெற்ற தாய் மட்டும்,தனக்கு முடியாத நிலையிலும்,எலும்பும்,தோலுமாக இருக்கும் தன் பிள்ளையை காப்பாற்ற முயல்கிறார். இடம் புதுச்சேரி ஜிப்மர் மருத்துவமனை வாசல்

போதையின் பாதை... : நன்றாக உடை உடுத்தி நடந்து போய்க்கொண்டே இருப்பார்கள்,திடீரென ரோட்டில் மயங்கிவிழுவார்கள், பதறிப்போய் அருகில் போனால் "டாஸ்மாக்' வாடை தூக்கும்.இப்போது சென்னையில் இதெல்லாம் சகஜமுங்க.

நிழல் நிஜமாகாது... : பெரிய திரையில் வாய்கொள்ளாது ஒரு மாது உயர்ரக உணவு உட்கொள்கிறார்.படத்திற்கு கிழே யாராவது ,கொஞ்சமாவது சாதாரண உணவு கொடுத்தால் கூட போதுமே என்ற கவலையுடனும்,பசியுடனும் காத்திருக்கிறார் இவர்.இடம்:ஊட்டி

கவலைப்படாதே... : சென்னைக்கு அருகே,திருமழிசையில் துணை நகரம் அமைக்கபோகிறார்கள். நடைபாதையில் வாசியான உனக்கும் அங்கே ஒரு வீடு கிடைக்கும்,அங்கே உன் "செல்லத்துடன்'' போய் ஒய்வு எடுக்கலாம்.அதுவரை ,பகலில் கூட படுத்துக்கிடக்காமல், எழுந்து உழைத்து இரண்டு காசு சேர்க்கப்பார்.இரவில் கூட தூங்காது காவல்காக்கும் நாய்,உன்னோடு சேர்ந்து கெட்டுப்போய், பகலிலும் தூங்கும் கொடுமையைக்கண்டாவது திருந்திக்கொள். இடம்: சென்னை, திருவல்லிக்கேணி

போதும்...போதும்... : தமிழக கோயில்களில் வழங்கப்படும் அன்னதான திட்டம் தற்போது கூடுதலாக பல்வேறு கோயில்களில் போடப்பட்டு வருகிறது.மனிதன் போதும் என்று சொல்வது இந்த உணவு விஷயத்தில் மட்டுமே...இந்த போதும் என்ற மனப்பான்மை எல்லாவிஷயத்திலும் வந்துவிட்டால் வாழ்க்கை இனிமைதான்.இடம்:சென்னை,ஏகாம்பரேஸ்வரர் கோயில்

நல்லா உபயோகியுங்க... : ஏழை மாணவ,மாணவியர் படிப்பதற்கு நோட்டு புத்தகம் கூட வாங்கமுடியாத நிலைமை இருந்தது ஓரு காலம்., ஆனால் இப்போது விஞ்ஞானத்தின் வளர்ச்சியால் "லேப்டாப்'எனப்படும் மடிக்கணனியே வழங்கப்படுகிறது.இதில் நல்லதும் உண்டு,கெட்டதும் உண்டு.தனது வறுமையை மட்டுமல்ல, நாட்டின் வறுமையை விரட்டவும்,பெற்றோர்க்கு பெருமையை சேர்க்கவும் இதை நல்லபடியாகவே உபயோகியுங்கள். இடம்:சென்னை,

தங்க மங்கைகள்... : பட்டதாரி பெண்களின் திருமண உதவித்தொகையுடன், தாலிக்கான 4 கிராம் தங்கமும்,வேகமாக வழங்கப்பட்டு வருகிறது. இடம்:சென்னை

நன்றி : தினமலர்