ரூம் கேட்ட எறும்பு.

by **rameshnaga** Fri Sep 16, 2011 7:06 pm

யாரும் பார்க்காதபோது..குழந்தை
ஒரு எறும்பைப் பிடித்து அடைத்துவிட்டான்..
தனது குட்டி டப்பாவிற்குள்.

"ஏண்டா! இப்படிப் பண்ணுகிறாய்?"-என்றவுடன்..
"திரு..திரு.." என முழித்தவன்..
நான் எதிர்பார்க்காதபடி..
"அதுதாம்பா..தூங்கறதுக்கு ரூம் கேட்டது!"என்றான்.

அவன் பதிலில் அசந்தபடியே...
"சரிடா! ரூம் கொடுத்தாயே! பெட் குடுத்தாயா?"..என்றேன்!
கொஞ்சம் கூட சளைக்காமல்..
"ஓ!"என்றவன்...தன்னுடைய குட்டி டப்பாவைத் திறந்தான்.

ஒரு குட்டிப் பஞ்சுப் பொதியின் மேல்
ஆனந்தமாக அலைந்து கொண்டிருந்தது
அவனுடைய எறும்பு.

by dsudhanandan Fri Sep 16, 2011 7:14 pm

பாப்பா என்னமாதிரி இல்ல... நல்ல அறிவுள்ள பாப்பா..

எறும்பு கவிதை கரும்பு...

by **rameshnaga** Fri Sep 16, 2011 7:18 pm

ரொம்ப நன்றி! த. சுதானந்தன்.

by aathma Fri Sep 16, 2011 7:20 pm

சிறுகதை அருமையாக உள்ளது ரமேஷ் மகிழ்ச்சி

by **rameshnaga** Fri Sep 16, 2011 7:28 pm

அடக் கடவுளே! நான் எழுதினதைக் கவிதைன்னுதானே
நினைச்சேன்!

by aathma Fri Sep 16, 2011 7:32 pm

rameshnaga wrote:அடக் கடவுளே! நான் எழுதினதைக் கவிதைன்னுதானே
நினைச்சேன்!

கவிதையின் கரு வித்தியாசமாக , அருமையாக உள்ளது நண்பரே மகிழ்ச்சி

ஆனால் உரைநடையில் அமைந்து உள்ளதால் அதை சிறுகதையாக எடுத்துக்கொள்வோம்

by **rameshnaga** Fri Sep 16, 2011 8:21 pm

ரொம்பவும் நன்றி! ஆத்மா.

கவிதையின் தளம் வெகுவாக விரிந்துவிட்டது..ஆத்மா.
பா வகைகள்..மரபுக் கவிதைகள்..வசன கவிதைகளைத் தாண்டி...உரைநடைக் கவிதைகளும் தமிழில் அறிமுகமாகிவிட்டன ஆத்மா. சங்கரராமசுப்ரமணியன்..
போன்றவர்களெல்லாம் தமிழில் உரைநடைக் கவிதையை அறிமுகப் படுத்தி விட்டனர். கவிதையை
எல்லோரும் கைக்கொள்ளும் வண்ணம்...எளிமையாக்கப் பட்டுக் கொண்டே இருக்கிறது கவிதை. அந்த வகையிலான வழியில்..நான் மேற்கொள்ளும் சிறு..சிறு..
சோதனை முயற்சிகள்தாம் இவை.

உங்களுடைய..பின்னூட்டத்திற்கு எனது நன்றிகள் ஆத்மா.