“சூரியக்காற்று” என்றால் என்ன தெரிந்து கொள்ளுங்கள்!

by jesudoss Fri Sep 16, 2011 2:27 am

விண்வெளியில் கோள்களுக்கு இடையில் இடைவிடாமல் பெருகிப் பாய்ந்துகொண்டிருக்கும் மின்னூட்டமுள்ள துகள்களையே `சூரியக்காற்று’ என்று விண்வெளி ஆய்வாளர்கள் கூறுகிறார்கள். சூரியனின் கொனராப் பரப்பிலிருந்து வெளியாகிறது, இந்த புரோட்டான், எலக்ட்ரான்களின் காற்று வீச்சு. கொனராப் பரப்பிலிருந்து வெளியாகும் வாயுக்கள் அயனி நிலையில் உள்ளவை. மிக அதிக வெப்ப ஆற்றல் உடையவை. சூரியனின் ஈர்ப்பாற்றலால் இந்த அயனி நிலை வாயுக்களைக் கட்டுப்படுத்த முடிவதில்லை. இந்த அயனிநிலை வாயுவை `பிளாஸ்மா’ என்று கூறுவார்கள். இது பொருளின் நான்காவது நிலை.

கட்டுக்கடங்காத இந்த அயனிகள் விண்வெளியில் வெள்ளம் போல சீறிப் பாய்கின்றன. சூரியனின் மின்காந்தப் புலம் இந்த அயனிகள் விரிவடைதைக் கட்டுப்படுத்துகிறது. சாதாரணமாக கடுஞ்சூட்டால் ஏற்படும் வாயுக்களின் இயக்கம் ஒழுங்கற்றுத் தாறுமாறாக இருக்கும். சூரியனின் பரப்பில் உள்ள நிலையைப் பற்றிக் கேட்கவே வேண்டாம். இந்நிலையிலும் சூரியன் கோள வடிவமாக இருப்பதற்குக் காரணம் அதன் அசுர ஈர்ப்பு ஆற்றல்தான். நமது புவியின் ஈர்ப்பு ஆற்றலை விட 27 மடங்கு அதிகமாக சூரியனுக்கு ஈர்ப்பாற்றல் உள்ளது. இதனால்தான் சூரியனால் வெகு தொலைவில் உள்ள கோள்களையும் ஈர்த்து, அதனதன் பாதையில் சுற்றிவரச் செய்ய முடிகிறது. சில சமயங்களில் அதன் ஈர்ப்பாற்றலையும் மீறிக் கொண்டு அதன் பரப்பில் இருந்து சூரியக் கொழுந்துகள் சீறிப் பாய்வதுண்டு. சூரியனின் பரப்பு, குமுறிக் கொந்தளித்துக் கொண்டிருக்கும் ஒரு வாயுக்கடல். சூரியனின் ஈர்ப்பாற்றல்தான் அக்கடலைக் கரை தாண்டாமல் கட்டி வைத்துள்ளது. சில சமயங்களில் அக்கடலில் இருந்து செந்நிறச் சுவாலைகள் சீறிப் பாய்வதுண்டு.

by Guest Fri Sep 16, 2011 10:27 am

அண்ணே நேற்றே இந்த பதிவு வந்து விட்டது.. பதிவு இடும் முன் கவனிக்க ...நன்றி சூப்பருங்க

“சூரியக்காற்று” என்றால் என்ன தெரிந்து கொள்ளுங்கள்!

“சூரியக்காற்று” என்றால் என்ன தெரிந்து கொள்ளுங்கள்!

Re: “சூரியக்காற்று” என்றால் என்ன தெரிந்து கொள்ளுங்கள்!