உறங்கி எழுந்ததும் உள்ளங்கையைப் பார்க்க வேண்டும் என்பது ஏன்?

by **பிரசன்னா** Thu Sep 15, 2011 10:43 am

நாம் நமது அன்றாடப் பணிகளைச் செய்வதற்கு கைகள் மிகவும் பயன்படுகின்றது. கைகளின் உதவியில்லாமல் எந்த ஒரு காரியத்தையும் செய்ய முடியாது. செயல்களுக்குரிய புலன்களில் கைகளுக்குத் தனி இடம் உண்டு. இறையுருவத்தை வணங்க, புஷ்பத்தை அள்ளிச் சமர்ப்பணம் செய்ய கைகள் உதவும். இறையுருவங்கள், அபய வரத முத்திரைகளைத் தாங்கிய திருக்கரங்களுடன் காட்சி தரும்; இறையுருவத்தின் பெருமையை கைகள் வெளிப்படுத்தும். கைகளை கடவுளுக்குச் சமானமாகச் சொல்கிறது வேதம் (அயம் மெஹஸ்தோ பகவான்...). திருமணத்தை நிறைவு செய்வது பாணிக்ரஹணம்; அதாவது, கை பிடித்தல்... கன்னிகையின் கை பிடித்து வரனிடம் அளிக்க வேண்டும். அரசர்களையும் துறவிகளையும் கைத்தாங்கி பெருமைப்படுத்துவார்கள். மந்திர ஜபங்களில் கரன்யாசத்துக்குக் கைகள் வேண்டும். முதுமையில் ஊன்றுகோலைப் பயன்படுத்த கை வேண்டும்.

கையின் நுனியில் அலைமகளும், நடுவில் கலைமகளும் அடிப்பக்கத்தில் கோவிந்தனும் இருப்பதாகப் புராணம் சொல்லும். ஹஸ்தரேகா சாஸ்திரம் கையை வைத்து உருவானது. அறிவு, செல்வம், ஆன்மிகம் ஆகிய மூன்றையும் பெற, காலையில் எழுந்ததும் கைகளைப் பார்க்க வேண்டும். அத்துடன்

கராக்ரே வஸதெ லஷ்மீ கரமத்யே ஸரஸ்வதி
கரமூலேது கோவிந்த: ப்ரபாதெ கரதர்சனம்

என்ற ஸ்லோகத்தைக் கூற வேண்டும். கையைத் தலையணையாக வைத்து உறங்கும் நமக்கு, விழித்ததும் அதைப் பார்ப்பது எளிது. நல்ல நடைமுறைகளைப் பின்பற்றினால் நன்மைகள் பல உண்டு.

நன்றி தினமலர்.

by ரேவதி Thu Sep 15, 2011 10:45 am

நானும் இதை பின்பற்றுகிறேன்
தகவலுக்கு நன்றி

by **பிளேடு பக்கிரி** Thu Sep 15, 2011 12:55 pm

இப்பொழுதும் பல பெரியவர்கள் இதை கடைபிடிப்பதை பார்திருக்கிறேன் .. அருமையிருக்கு

by **உமா** Thu Sep 15, 2011 12:57 pm

அடடா....இது வரை தெரியாமல் கையை பார்த்து கொண்டு இருந்தேன்.... நல்ல தகவல்...மிக்க நன்றி..

by **பிளேடு பக்கிரி** Thu Sep 15, 2011 12:59 pm

உமா wrote:அடடா....இது வரை தெரியாமல் கையை பார்த்து கொண்டு இருந்தேன்.... நல்ல தகவல்...மிக்க நன்றி..

கையை பார்க்கிறதோட இரு, தப்பி தவறி கண்ணாடியை பார்த்திராதே சிப்பு வருது

by ரேவதி Thu Sep 15, 2011 1:00 pm

பிளேடு பக்கிரி wrote:
உமா wrote:அடடா....இது வரை தெரியாமல் கையை பார்த்து கொண்டு இருந்தேன்.... நல்ல தகவல்...மிக்க நன்றி..

கையை பார்க்கிறதோட இரு, தப்பி தவறி கண்ணாடியை பார்த்திராதே

உறங்கி எழுந்ததும் உள்ளங்கையைப் பார்க்க வேண்டும் என்பது ஏன்? 705463

by **சிவா** Thu Sep 15, 2011 1:02 pm

நல்ல தகவல். ஆனால் இறுதிவரை யாருடைய உள்ளங்கையைப் பார்க்க வேண்டும் எனக் கூறவே இல்லையே பிரசன்னா!

by **உமா** Thu Sep 15, 2011 1:03 pm

பிளேடு பக்கிரி wrote:
உமா wrote:அடடா....இது வரை தெரியாமல் கையை பார்த்து கொண்டு இருந்தேன்.... நல்ல தகவல்...மிக்க நன்றி..

கையை பார்க்கிறதோட இரு, தப்பி தவறி கண்ணாடியை பார்த்திராதே

நீ இப்படி சொன்னதுக்கு எனக்கு கோவம் வரணும்...ஆனா, வரல...
சிப்பு வருது