இந்திய அணியின் பீல்டர்கள் கழுதைகள் : முன்னாள் இங்கிலாந்து கேப்டன் நாசர் உசேன் விமர்சனம்

இந்தியர்களை ஆரம்பத்திலிருந்தே கடுமையாக
விமர்சித்து வருகிறார் இங்கிலாந்து அணியின் முன்னாள் கேப்டன் நாசர் உசேன்.
இவர் மட்டுமல்லாமல், இந்திய அணி தோல்விகளை சந்திக்க ஆரம்பித்தது முதலே
இங்கிலாந்து முன்னாள் வீரர்கள் பலரும், முன்னாள் ஆஸ்திரேலிய வீரர்கள்
பலரும் சரமாரியாக இந்தியாவை விமர்சித்து வருகின்றனர்.


இந்நிலையில்
இந்திய பீல்டர்களை கழுதைகள் என்று வர்ணித்துள்ளார் நாசர் உசேன். இவர்
சென்னையில் பிறந்தவர். இங்கிலாந்து அணியின் முன்னாள் கேப்டன். தற்போது டிவி
வர்ணனையாளராக இருக்கிறார்.

இந்தியா, இங்கிலாந்து
இடையிலான ஒரே ஒரு டுவென்டி 20 போட்டி நேற்று முன்தினம் நடந்தது. இதில்
இந்தியா தோல்வியைச் சந்தித்தது. இந்தப் போட்டியின் வர்ணனையாளரான நாசர்
உசேன் கூறுகையில், இரு அணிகளின் பீல்டிங்கையும் ஒப்பிடுவதாக இருந்தால்,
இங்கிலாந்து அணி பீல்டிங்கில் தலை சிறந்த அணியாக உள்ளது. இந்திய அணியில் 3
அல்லது நான்கு நல்ல பீல்டர்களே உள்ளனர். அதேசமயம் ஒன்று அல்லது இரண்டு
கழுதைகளும் உள்ளன என்றார்.

முனாப் படேல் பந்து
வீச்சில் கெவின் பீட்டர்சன் அடித்த பந்தை கேட்ச் செய்ய முடியாமல்
பார்த்திவ் படேல் தவற விட்டதைத் தொடர்ந்து இந்த மோசமான வர்ணனையை
பேசியுள்ளார் உசேன்.

நாசர் உசேனின் இந்த வர்ணனைக்கு
பல்வேறு தரப்பிலிருந்தும் கடும் கண்டனம் எழுந்துள்ளது. முன்னாள்
பாகிஸ்தான் கேப்டன் ஜாகிர் அப்பாஸ் கூறுகையில், இது மிகவும் அநாகரீகமானது,
தேவையற்ற பேச்சு. இதை ஏற்கவே முடியாது. கிரிக்கெட் என்பது ஜென்டில்மேன்
விளையாட்டு. ஆனால் நாசர் உசேனின் பேச்சு மிகவும் கேவலமாக உள்ளது. இந்திய
கிரிக்கெட் வாரியம் கடுமையான எச்சரிக்கையை விடுக்க வேண்டும். ஐசிசிக்கு
கடிதம் எழுத வேண்டும். இதுபோன்ற சம்பவங்கள் இனிமேல் நடக்காத வண்ணம் கடும்
நடவடிக்கை எடுக்கப்பட வேண்டும் என்றார்.

மாலைமலர்

அன்றைய ஆட்டத்தில் இந்தியாவின் பீல்டிங் படு மட்டமாக இருந்தது. தோனி சிறிதும் பொறுப்பின்றி ஆடினார்.

இந்தியா என்னைக்கு தான் பீல்டிங் ஒழுங்காக செய்து இருக்காங்க
அதற்காக இப்படி வர்ணனை செய்வது தவறு

ஒரு நாள் தொடரில் இங்கிலாந்து அணியை ஓட ஓட விரட்ட வேண்டும் ஆட்டத்தில் வெற்றி தோல்வி சாதரணம் ஆனால் இவர் இப்படி சொல்லியது மிகவும் தவறு...