மளிகை பொருட்கள் கட்டாய விற்பனை ரேஷன் கடைகளுக்கு இலக்கு

மளிகை பொருட்கள் கட்டாய விற்பனை ரேஷன் கடைகளுக்கு இலக்கு

பதிவு செய்த நாள் : 8/29/2011 1:55:7

கருத்துகள் கருத்துகளை தெரிவிக்க

சேலம் : ரேஷன் கடை ஊழியர்கள் மாதந்தோறும் குறைந்தபட்சம் ரூ.20 ஆயிரத்துக்கு மளிகை பொருட்களை விற்பனை செய்ய வேண்டும் என்று இலக்கு நிர்ணயிக்கப்பட்டு உள்ளதால், ஊழியர்கள் அதிர்ச்சி அடைந்துள்ளனர். தமிழகத்தில் 36 ஆயிரம் ரேஷன் கடைகள் மூலம் அரிசி, சர்க்கரை, பருப்பு, மண்ணெண்ணெய் உள்ளிட்ட அத்தியாவசிய பொருட்கள் விற்பனை செய்யப்படுகிறது. இதில் 15 ஆயிரத்துக்கும் மேற்பட்ட ரேஷன் கடைகள் Ôமினி சூப்பர் மார்க்கெட்டுகளாக தரம் உயர்த்தப்பட்டு உள்ளன.

இதற்காக ஒவ்வொரு கடையிலும் பொது வினியோகத்திட்ட பொருட்களுடன், சோப்பு, ஷாம்பூ, தேங்காய் எண்ணெய், மசாலா தூள் வகைகள், கொத்தமல்லி, மிளகாய் போன்ற மளிகை பொருட்களும் விற்பனைக்கு வைக்கப்பட்டு உள்ளன. ரேஷன் கார்டுதாரர்களிடம், வழக்கமான பொது வினியோகத்திட்ட பொருட்களுடன் சோப்பு உள்ளிட்ட இதர பொருட்களையும் சேர்த்து விற்பனை செய்ய வேண்டும் என்று ரேஷன் ஊழியர்களுக்கு கூட்டுறவுத்துறை அதிகாரிகள் உத்தரவிட்டுள்ளனர். ஒவ்வொரு கார்டுதாரரிடமும் குறைந்தபட்சம் ஸீ20க்கு இதர பொருட்களை விற்பனை செய்ய வேண்டும் எனக் கூறப்பட்டுள்ளது.

இதுகுறித்து ரேஷன் ஊழியர்கள் கூறியதாவது: ஆயிரம் ரேஷன் கார்டு கொண்ட கடைகள், மாதம் ரூ.20 ஆயிரத்துக்கு சோப்பு, எண்ணெய், மஞ்சள் தூள், மிளகாய்த்தூள் என இதர பொருட்களை கண்டிப்பாக விற்றாக வேண்டும் என்று அதிகாரிகள் கட்டாயப்படுத்துகின்றனர். இலவசமாக வழங்கப்படும் அரிசிக்குக் கூட ஸீ20க்கு ஏதாவது ஒரு பொருளை திணிக்க வேண்டிய இக்கட்டான நிலை உள்ளது. விற்பனை இலக்கை அடைவதற்காக ரேஷன் கடைகளுக்கு கொள்முதல் செய்யப்பட்ட பொருட்களை வெளி மார்க்கெட்டில் Ôஜீரோ மார்ஜின்Õ விலையில் விற்று, கணக்கை சரி கட்டி வருகிறோம். விற்பனை இலக்கை எட்டாத ஊழியர்கள் மீது ஒழுங்கு நடவடிக்கை ஒருபுறம் இருந்தாலும், ஆய்வுக்கு வரும் அதிகாரிகளை Ôகவனிக்கÕ வேண்டிய கட்டாயமும் உள்ளது.

ரூ.4000 முதல் ரூ.6000 வரை ஊதியம் பெறும் ரேஷன் ஊழியர்களுக்கு அதிகாரிகளின் மிரட்டல் அச்சுறுத்தலாக உள்ளது. இவ்வாறு ரேஷன் ஊழியர்கள் கூறினர்.
கூட்டுறவுத்துறை உயர் அதிகாரி ஒருவரிடம் கேட்டபோது, ÔÔரேஷன் கார்டுதாரர்கள் சமையலுக்குத் தேவையான பொருட்களை, ஏதாவது ஒரு கடையில் வாங்கித்தான் ஆக வேண்டும்.அவற்றை, ரேஷன் கடையிலேயே வாங்கிக் கொள்ள வசதியாக மளிகை சாமான்களும் விற்பனைக்கு வைக்கப்பட்டு உள்ளது. ஆனாலும், கார்டுதாரர்களிடம் மளிகை பொருட்களை வாங்கியே ஆக வேண்டும் என கட்டாயப்படுத்தி விற்குமாறு எந்த ஊழியருக்கும் உத்தரவிடப்படவில்லை,ÕÕ என்றார். தினகரன்