தப்பா.....?

by kavimuki Mon Aug 29, 2011 12:12 pm

பாட்டி ஒரு கதை சொல்றேன்
கேளுங்க பகுத்தறிவோட
எல்லாத்தையும் உணர்ந்து பாருங்க

ஆனான அழகி இவ்வூரில்
ஆயிரமிருக்க அசிங்கமா இருக்க
என்னை அவர் கரம் பிடிச்ச காரணம் தெரில

சுத்துப்பட்டு ஜில்லாவுலயே கெட்டியக்கார
படிப்பு முடிச்ச உன் தாத்தாவுக்கு
அரசாங்க வேலை ஆயிரம் கிடைச்சும்

நமக்கு சொத்து சுகம்
நிறைய இருக்கு சொந்தக்காலில்
நிற்க படிப்பும் இருக்கு

அப்புறம் எதுக்கு அரசு வேலைனு
வறியவங்களுக்கு உன் தாத்த வாங்கிக்கொடுத்த
வேலை பல ஆயிரம்டி

பசின்னு தேடி வந்த
வறியவர்களுக்கு பாரபட்சம் காட்டாம
வாரி கொடுத்த வள்ளலடி

அப்படிபட்ட மேதாவி ...சாகுறதுக்கு
முன்னாடியே சொன்னாரே
உன்னைச்சார்ந்திருக்கவங்க சரியில்லைனு

கூடப்பிறந்தவன் நம்மைத்தவிக்க
விடமாட்டான்றதால அவனை நம்பி
எல்லாத்தையும் ஒப்படைச்சேன்

ஐந்து வருசத்தில நாம
அண்டுறதுக்கு கூட இடமில்லாத
ஏழையாக்கிட்டானேடி

அடுத்த வருசமே உன் தாயும்
நம் கஷ்டத்த தாங்க முடியாம
போய் சேர்ந்திட்டா

உங்களை வளர்க்க நமக்குத்தான்
திறானியில்லை அனாதை ஆசிரமத்தில
சேர்க்கனும்ணு போனா

இறப்புச்சான்றிதழ் இருந்தால்தான்
உன் பேத்திகளுக்கு இங்கே
இடம்ணு சொன்னதும்

நம்ம ஊரு அலுவலரை பார்க்க போனா
அவனும் செத்ததுக்கு சான்றிதழ்
வழங்கவும் காசு கேக்குறாண்டி

தெருவுல தப்பு நடக்குறப்பயே
நாம தட்டிக்கேக்க நினைக்குறப்போ
அன்னா ஹசாரே கேக்குறது தப்பா ...................