தூக்கு தண்டனை நிறைவேற்றுவது எப்படி?

by **ந.கார்த்தி** Sun Aug 28, 2011 8:41 pm

முன்னாள் பிரதமர் ராஜீவ்காந்தி கொலை வழக்கில் மரண தண்டனை பெற்ற பேரறிவாளன், முருகன், சாந்தன் ஆகிய 3 பேரையும் வருகிற 9ம் தேதி தூக்கில் போட உத்தரவிடப்பட்டுள்ளது. இந்நிலையில் 3 பேர் உயிரையும் காப்பாற்ற பல்வேறு முயற்சிகள் நடந்து வருகிறது. இருந்தபோதிலும் தூக்கு தண்டனை வழங்குவதற்கான நடவடிக்கைகள் ஜெயிலில் துவங்கி விட்டன.
தண்டனை கைதிகள் 3 பேரும் தூக்கில் போடப்படுவதற்கான முன்னேற்பாடுகள் என்ன? யார் முன்னிலையில் தூக்கில் போடப்படுவார்கள் என்பது பற்றிய விவரம் வருமாறு:
* முதலாவதாக தூக்கில் போடப்படும் 3 பேருக்கும் டாக்டர்கள் மருத்துவ பரிசோதனை செய்வார்கள். சிறைச்சாலையில் அடைக்கப்பட்டுள்ள அறையிலேயே இந்த மருத்துவ பரிசோதனை நடைபெறும்.
* முன்னதாக மூன்று பேரையும் தூக்கில் தொங்க விடுவதற்காக உறுதித்தன்மை பரிசோதிக்கப்பட்ட 3 மணிலா கயிறுகள் தூக்கு மேடையில் முறையான முடிச்சுகளுடன் தொங்கவிடப்படும்.
* தூக்கில் போடப்படுபவர்களின் முகங்களை மூடுவதற்காக 3 கறுப்பு நிற முகமூடி துணி தயாராக வைக்கப்படும்.
* தண்டனை கைதிகள் தற்கொலை முயற்சி செய்வதை தடுக்க கடுமையாக கண்காணிக்கப்படுவார்கள். அவர்கள் இருக்கும் அறைக்குள் காயப்படுத்தும் வகையில் கூர்மையான பொருட்கள் இல்லாமல் பார்த்துக் கொள்ளப்படும். எளிதில் தீப்பிடிக்க கூடிய பொருட்களை அவர்கள் அறைக்குள் வைக்க அனுமதி கிடையாது.
* கைதி எந்த மதத்தை சார்ந்தவரோ அந்த மதத்தை சேர்ந்த போதகர்கள், ஆன்மிகவாதிகள் தினமும் மரண தண்டனை கைதிகளை சந்தித்து ஆன்மிக போதனை செய்யலாம்.
* தூக்கு மேடைக்கு அழைத்து செல்லும் முன்பு கைதிகளின் கைகள் பின்புறமாக வைத்து கட்டப்படும்.
* சிறை கண்காணிப்பாளர், கைதிகளை தூக்கில் போடுவதற்கான உத்தரவை வாசித்தவுடன், 3 பேருக்கும் கறுப்பு துணியிலான முகமூடி அணிவிக்கப்படும். முகமூடி துணி அணியாமல் தூக்கில் தொங்க அனுமதிக்கப்பட மாட்டார்கள்.
* ஜெயில் வார்டன்கள் 4 பேர், தூக்கு தண்டனை கைதிகளை தூக்கு மேடைக்கு அழைத்துச் சென்று தூக்கு கயிறு முன்பாக நிறுத்துவார்கள்.
* தூக்கில் போடும்போது மாஜிஸ்திரேட், சிறை கண்காணிப்பாளர், ஜெயிலர், மருத்துவ அதிகாரி, உதவி கமிஷனர் ஆகியோர் தூக்கு மேடை அருகே நிற்பார்கள்.
* தூக்கு தண்டனை நிறைவேற்றப்படும் வரை சம்பந்தப்பட்ட சிறைச்சாலையில் உள்ள மற்ற கைதிகள் செல்களில் அடைத்து வைக்கப்பட்டிருப்பார்கள்.
* தூக்கில் போடப்பட்டவர்கள் இறந்ததை மருத்துவ அதிகாரி உறுதி செய்வார். பின்னர் இறந்த கைதியின் உறவினர்களிடம் உடலை ஒப்படைப்பதற்கான நடவடிக்கைகள் தொடங்கும்.
TMT நன்றி