Latest topics

மைசூர் தசரா விழா இன்று துவக்கம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மைசூர் தசரா விழா இன்று துவக்கம்

Post by VIJAY Sat Sep 19, 2009 12:24 pm

மைசூர் தசரா விழா இன்று சனிக்கிழமை துவங்குகிறது. மைசூர் தசரா விழா சர்வதேச அளவில் புகழ் பெற்றதாகும். 9 நாட்கள் நடைபெறும் இந்த விழாவைக் காண நாட்டின் பல பகுதிகளில் இருந்தும் வெளிநாடுகளில் இருந்தும் ஏராளமான சுற்றுலாப் பயணிகள் மைசூருக்கு வருகை தருவர்.
விழா நடைபெறும் இந்த 9 நாட்களிலும் விளையாட்டுப் போட்டிகள், திரைப்படத் திருவிழா, கண்காட்சி, இசையரங்கம் என பல்வேறு பொழுதுபோக்கு நிகழ்ச்சிகள் நடத்தப்படும்.

தசரா விழா துவக்க விழா மைசூர் அருகேயுள்ள சாமுண்டி மலையில் அமைந்துள்ள சாமுண்டீஸ்வரி கோயிலில் சனிக்கிழமை துவங்குகிறது.
சாமுண்டீஸ்வரி தேவிக்கு சிறப்புப் பூஜை செய்து தசரா விழாவை வாழும் கலை நிறுவனர் ஸ்ரீஸ்ரீ ரவிசங்கர் சுவாமிகள் துவக்கிவைக்கிறார். விழாவில் முதல்வர் எடியூரப்பா உள்பட அமைச்சர்கள், எம்எல்ஏக்கள் உயர் அதிகாரிகள் பங்கேற்கின்றனர். காலை 10.45 மணிக்கு துவக்க விழா நிகழ்ச்சிகள் நடைபெறுகின்றன.
இதைத்தொடர்ந்து மைசூர் அரண்மனையில் தர்பார் நிகழ்ச்சியும் துவங்குகிறது. மைசூரில் திரைப்பட விழாவை செய்தித்துறை அமைச்சர் கட்டா சுப்பிரமணிய நாயுடு துவக்கிவைக்கிறார். தசரா கண்காட்சியை சுற்றுலாத்துறை அமைச்சர் ஜனார்த்தன ரெட்டி துவக்கிவைக்கிறார். இதுபோல் பல்வேறு நிகழ்ச்சிகளை அமைச்சர்கள் துவக்கி வைக்கிறார்கள்.

தசரா விழாவின் முக்கிய நிகழ்ச்சியான ஊர்வலம் செப்டம்பர் 27-ம் தேதி நடைபெறுகிறது.

VIJAY: நிர்வாகக் குழு; பதிவுகள் : 9525
இணைந்தது : 29/06/2009