காதலின் வாசனை.

by **rameshnaga** Fri Aug 26, 2011 7:54 pm

இன்னமும் வேட்டையாடப் படாத
பறவையொன்று
தனது குரலில் சுமந்து வருகிறது
இன்னமும் எழுதப்படாத
ஒரு காதலை.
***************************************
எனது பழைய குறிப்பேடுகளில்
ஒளித்து வைத்திருந்த
எனது பழைய காதலைப்
படித்துப் பார்க்கிறேன்.
அதில்-
பழைய காதல் இல்லை.
ஏதோ ஒன்று-
குறைந்து போயிருக்கிறது.
*******************************************
நீயும் என்னைப் பிரிந்துவிட்டதாய்
சொல்லிக் கொள்கிறாய்.
நானும் உன்னைப் பிரிந்து விட்டதாய்
நினைத்துக் கொள்கிறேன்.
இத்தனை வயதாகியும், இத்தனை படித்தும்
நம் இருவருக்குமே தெரியவில்லை
"பிரிவு" என்ற சொல்லின் அர்த்தம்.
**********************************************
விடைபெறுவதற்கான எந்த ஒரு சொல்லும்
காயப் படுத்தி விடுகிறது-
உன்னையும், என்னையும்
நமதிந்தக் கணங்களில்.
"நிலவு" வந்து கையில் அமரும் ....
என நம்பத் துவங்கும் குழந்தையைப் போல்
நாமும் நம்பத் துவங்குகிறோம்
நமது எதிர்பார்ப்பின் பொய்களை.
**************************************************
உனது தலையிலிருந்து உதிர்ந்த பூதான்.
சருகாகி...வாசனையை இழந்திருந்தாலும்...
எனது பெட்டிக்குள் ஒளிந்திருக்கிறது
காதலின் வாசனையோடு.
***************************************************

by kitcha Fri Aug 26, 2011 8:11 pm

அனைத்துமே அருமை. சூப்பருங்க

நீயும் என்னைப் பிரிந்துவிட்டதாய்
சொல்லிக் கொள்கிறாய்.
நானும் உன்னைப் பிரிந்து விட்டதாய்
நினைத்துக் கொள்கிறேன்.
இத்தனை வயதாகியும், இத்தனை படித்தும்
நம் இருவருக்குமே தெரியவில்லை
"பிரிவு" என்ற சொல்லின் அர்த்தம்.

அதில் மேலே உள்ள இந்த வரிகள் சூப்பர்

பிரிவு என்பது உடலுக்குத்தான் மனதிற்கு அல்ல

சூப்பருங்க

by **rameshnaga** Fri Aug 26, 2011 8:37 pm

நன்றி!கிச்சா.

by **இளமாறன்** Sat Aug 27, 2011 12:22 am

எனது பழைய குறிப்பேடுகளில்
ஒளித்து வைத்திருந்த
எனது பழைய காதலைப்
படித்துப் பார்க்கிறேன்.
அதில்-
பழைய காதல் இல்லை.
ஏதோ ஒன்று-
குறைந்து போயிருக்கிறது. சூப்பருங்க

கால ஓட்டங்களில் நினைவு பூக்கள் மட்டும் அழியாமல் பாதுக்காக படுவதே காதல் புன்னகை