கருணா‌நி‌தி க‌ண்‌ணிய‌ம் கா‌ற்‌றி‌ல் பற‌ந்து‌விடு‌ம்- விஜயகா‌ந்‌த் எ‌ச்ச‌ரி‌க்கை

ராஜாஜி, காமராஜ், பக்தவச்சலம், இந்திராகாந்தி, எம்.ஜி.ஆர். போன்றவர்களை எல்லாம் கருணாநிதி பேசியதை இப்போது எடுத்துச் சொன்னால் அவர் கண்ணியம் காற்றில் பறந்துவிடும் எ‌ன்று தே.மு.தி.க. தலைவர் விஜயகாந்த் எ‌ச்ச‌ரி‌க்கை ‌விடு‌த்து‌ள்ளா‌ர்.

இது தொட‌ர்பாக அவ‌ர் வெளியிட்டுள்ள அறிக்கையில், முன்னாள் பிரதமர் ராஜீவ் காந்தி கொலை வழக்கில் குற்றம்சா‌ற்றப்பட்டு தூக்குத் தண்டனைக்குள்ளான முருகன், பேரறிவாளன், சாந்தன் ஆகியோர்களின் கருணை மனு நிராகரிக்கப்பட்டுள்ளது. அதை மறுபரிசீலனை செய்து, தூக்குத் தண்டனையில் இருந்து அவர்களை காப்பாற்ற வேண்டும் என்று மத்திய அரசை கேட்டுக் கொள்கிறேன்.

லஞ்சம், ஊழல் குற்றசா‌ற்‌றின் காரணமாக கைது செய்யப்பட்டவர்களுக்கும் திகார் சிறை. லஞ்சம், ஊழலை எதிர்த்து போராடுபவர்களுக்கும் திகார் சிறை என்பது இன்றைய மத்திய அரசுக்கு நியாயமாகப்படுகிறதா?

தி.மு.க. தலைவர் கருணாநிதி ஜனநாயகக் கடமை ஆற்றவிடாமல் ஆளுங்கட்சியினர் சர்வாதிகாரமாக நடந்து கொள்வதாக ஒரு குற்றச்சா‌ற்றை முன் வைத்துள்ளார். கடந்த காலத்தில் மக்கள் தங்களுக்கு அளித்திருந்த வாய்ப்பை நல்ல முறையில் பயன்படுத்தி ஜனநாயகக் கடமை ஆற்றத் தவறிய நீங்கள், இப்பொழுது மட்டும் என்ன புதிய ஜனநாயகக் கடமை ஆற்றப்போகிறீர்கள்?

முன்னாள் உளவுத்துறை அதிகாரி ஜாபர் சேட்டின் மீது அரசு நில ஒதுக்கீட்டில் முறைகேடு காரணமாக அரசு நடவடிக்கை எடுக்கின்றபோது, அவர் இஸ்லாமியர் என்பதால்தான் நடவடிக்கை எடுப்பதாக கருணாநிதி குற்றம்சா‌ற்‌றினார். அப்பொழுது நான் சட்டமன்றத்தில் முன்னாள் குடியரசு‌த் தலைவ‌ர் அப்துல் கலாம் இரண்டாவது முறை குடியரசு‌த் தலைவராக வருவதை வேண்டுமென்றே தடுத்தவர் கருணாநிதி என்றும், தனது சட்டமன்ற பொற்கால விழாவிற்கு குடியரசு‌த் தலைவ‌ர் வரவில்லை என்ற கோபத்தால் பழிவாங்கியவர் கருணாநிதி என்றும் சுட்டி காட்டினேன்.

இதற்கு நேரடியாகப் பதில் கூற இயலாத கருணாநிதி, பைத்தியக்காரர்களுக்கு எல்லாம் பதில் சொல்லி, காலத்தையும், கண்ணியத்தையும் வீணாக்க விரும்பவில்லை என்கிறார். எனக்கு இந்த நேரத்தில் எம்.ஜி.ஆர். பாடிய ``நான் பார்த்தா பைத்தியக்காரன், உன் பாட்டனுக்கும் வைத்தியம் பார்ப்பேன்'' என்ற பாடல்தான் நினைவுக்கு வருகிறது.

எந்த காலத்தில் கருணாநிதி கண்ணியத்தோடு பேசினார்? ராஜாஜி, காமராஜ், பக்தவச்சலம், கம்ïனிஸ்டு கட்சி தலைவர் ராமமூர்த்தி, முன்னாள் பிரதமர் இந்திராகாந்தி, எம்.ஜி.ஆர். போன்றவர்களை எல்லாம் கருணாநிதி பேசியதை இப்போது எடுத்துச் சொன்னால் அவர் கண்ணியம் காற்றில் பறந்துவிடும்.

நான் இன்று வரை கலைஞரை, கலைஞர் என்றுதான் கண்ணியத்தோடு குறிப்பிடுகிறேனே தவிர, கருணாநிதி என்று சொன்னதில்லை. எனவே, என்னை கருணாநிதி என்று உங்களை சொல்ல வைத்து விடாதீர்கள் எ‌ன்று விஜயகாந்த் கூறியுள்ளார்.
நன்றி:தமிழ் வெப்துனியா

ஆமா இவ்ளோ நாள் பண்ணாததை மண்டைய போடுற நேரத்துல தான் தாத்தாவுக்கு பண்ணனும்ன்னு தோணுச்சா?

spselvam wrote:

இதற்கு நேரடியாகப் பதில் கூற இயலாத கருணாநிதி, பைத்தியக்காரர்களுக்கு எல்லாம் பதில் சொல்லி, காலத்தையும், கண்ணியத்தையும் வீணாக்க விரும்பவில்லை என்கிறார்.