விழிக்க மறுக்கும் உலகம்

by ஹாசிம் Fri Aug 05, 2011 10:47 pm

மனிதனாய் பிறந்து
பசியால் மரணமென்று
ஒரு தேசமங்கு பரிதவிக்கிறதே..
ஏனிந்த உலகம் உறங்கிக் கிடக்கிறது

அருகதையற்ற அரசனாய்
ஆட்சிசெய்து கொள்ளையடித்து
சேர்த்துவைத்த செல்வமுனை
விரட்டலிருந்து காப்பாற்றவில்லை

போராட்டங்கள் போர்க்களமாகி
எரிகுண்டுகளுக்கு இரையானபோது
சொத்துகளும் சேதங்களும்
சோகங்களை தணித்திடவில்லை

இயற்கையில் அனர்த்தங்களாகி
நிலத்தினுள் மூழ்கடிக்கப்பட்ட
முதலீடுகளாலோ உடமைகளாலோ
அழிவை தடுத்திட முடிந்ததில்லை

படைத்த இறைவன்
காலத்துக்குக் காலம் உணர்த்திட
சோகங்களை சுமைகளாக்கியும்
உணரப்படாத உலகமிங்கு
விழிக்க மறுக்கிறது

ஆண்டியானாலும் நீ அரசனானாலும்
இறைவன் சன்னிதானத்தில்
உன்னாமம் சமமாகிறதே - மனிதா
மரணமுன்னை நெருங்குமுன்
மண்ணறைக்காய்த் தேடிக்கொள்

உன்னால் சேர்க்கப்படுபவை
சிதறடிக்கப்படுவதற்குள் - சிலாகித்துக்கிடக்கும்
உலக மரணங்களையாவது
சிந்தித்துக்கொள் சுவனம் நீயடைவாய்
விழிக்க மறுக்கும் உலகம் Bp46

by kitcha Fri Aug 05, 2011 10:52 pm

அருமையான கவிதை.அர்த்தமுள்ள கவிதை. சூப்பருங்க

by **இளமாறன்** Sat Aug 06, 2011 2:02 am

மனித நேயம் குறைந்து வருகிறது என்ன செய்வது பாவம் மக்கள் சோகம்

பணம் பணம் தேடி போகிறது ஏழை இன்னும் ஏழை ஆகிறான்

by ஹாசிம் Sun Aug 07, 2011 10:15 am

kitcha wrote:அருமையான கவிதை.அர்த்தமுள்ள கவிதை.

மிக்க நன்றி கிச்சா

by balakarthik Sun Aug 07, 2011 10:21 am

சூப்பர் நண்பா அருமயான கவிதை படைப்பு படங்களும் மிக ரௌமை மிகவும் பொருத்தமான படங்கள் தொடருங்கள் உங்கள் கவிதை தோரணங்களை மகிழ்ச்சி

by செய்தாலி Mon Aug 08, 2011 2:08 pm

இதுபோன்ற நிகழ்வுகளை ஊருக்கு விளிச்சமிட்டு காட்டவேண்டும்
அந்த வகையில் ஊருக்கு உண்மையை எடுத்துரைப்பதில் உறவே நீங்கள் என்றும் உயர்ந்து நிற்கிறீர்கள்

உறங்கும் உலகம் உங்களின் இந்த வரிகளின் வேட்கையில் விழிக்கட்டும்

by **உமா** Wed Aug 17, 2011 5:02 pm

அண்ணா, உங்கள் வரிகளில் ஒரு சோகம் என்றுமே இருக்கிறது....இங்கே இருந்து நாங்கள் பின்னூட்டம் இடுகிறோம்.....அங்கே நீங்கள் இந்த கொடுமைகளை பார்கீறீங்க தானே....அந்த வலியினால் இந்த வரிகளா.....

by ஹாசிம் Wed Aug 17, 2011 5:10 pm

உமா wrote:அண்ணா, உங்கள் வரிகளில் ஒரு சோகம் என்றுமே இருக்கிறது....இங்கே இருந்து நாங்கள் பின்னூட்டம் இடுகிறோம்.....அங்கே நீங்கள் இந்த கொடுமைகளை பார்கீறீங்க தானே....அந்த வலியினால் இந்த வரிகளா.....

மிக்க நன்றி உமா அது வேறு ஒன்றுமில்லை என் மனதுக்கு உறுத்தும் விடயங்களைத்தான் சமூகத்திற்கு ஏதாவது சொல்ல நினைப்பதைத்தான் தேர்ந்தெடுக்கிறேன் அவற்றோடு என்னை ஐக்கியமாக்கிக் கொள்வேன் அதுதான் சிறப்பு வேறில்லை மிக்க நன்றி என் மனதோடு உறவாடி என்னை அதிக நேரம் இருந்திடச்செய்த உமாவுக்கு மிக்க நன்றிகள்
இந்தக் குறை இருப்பதால்தான் ஈகரையில் அதிகம் இருக்க முடிவதில்லை (நேரடிக் காரணம்)

by Sponsored content

விழிக்க மறுக்கும் உலகம்

விழிக்க மறுக்கும் உலகம்

Re: விழிக்க மறுக்கும் உலகம்

Re: விழிக்க மறுக்கும் உலகம்

Re: விழிக்க மறுக்கும் உலகம்

Re: விழிக்க மறுக்கும் உலகம்

Re: விழிக்க மறுக்கும் உலகம்

Re: விழிக்க மறுக்கும் உலகம்

Re: விழிக்க மறுக்கும் உலகம்

Re: விழிக்க மறுக்கும் உலகம்