ரஜினிக்காக கட்டாத வீடு - ஒரு ரசிகனின் காத்திருப்பு

by kitcha Thu Aug 04, 2011 4:27 pm

விழுப்புரம் ரஜினி மன்ற தலைவர் இப்ராகிம். இவர் தன் ஊரில் புதிய வீடு ஒன்றைக் கட்டி வருகிறார். இந்த வீட்டுக்கு பூஜை செய்து, முதல் கல்லை எடுத்துக் கொடுத்தது ரஜினியும் குடும்பத்தினரும்தான். கிரகப்பிரவேசத்துக்கு ரஜினி வருவார் என உறுதியளிக்கட்டதாம் போயஸ் தோட்டத்திலிருந்து. வேலை மளமளவென நடந்து கொண்டிருந்தபோதுதான் தலைவருக்கு உடல்நலமில்லாமல் போனது. உடனே வீடு கட்டும் பணியை அப்படியே கிடப்பில் போட்டுவிட்டார் இப்ராகிம்.

இப்போது தலைவர் உடல்நலமடைந்து வந்துவிட்டார். ஆனாலும் வீட்டு வேலையை தொடங்கவில்லை இப்ராகிம். ரஜினி எப்போது வெளி நிகழ்ச்சிகளில் பங்கேற்பாரோ அதுவரை காத்திருக்க முடிவு செய்துள்ளார். “ராணா படப்பிடிப்பு, ரசிகர் சந்திப்பு என தலைவர் இயல்பு நிலைக்கு வரட்டும். அப்போது நேரில் போய் கேட்கிறேன். அதற்கு முன் அவரை தொந்தரவு செய்யக் கூடாது. அவருக்காக எத்தனை காலமானாலும் காத்திருப்பேன்,’ என்கிறார் இப்ராகிம்.

மேலும் சில விபரங்கள்
தலைவர் வாக்கிங்
தினமும் மாலையில் ராகவேந்திரா மண்டபம் வரத் தொடங்கிவிட்டார், சூப்பர் ஸ்டார் ரஜினி. மாலை 5 மணி முதல் 7 மணி வரை வாக்கிங் செல்வதால், அந்த நேரத்தில் யாருக்கும் அனுமதி இல்லை.

ரஜினி சத்தமில்லாமல் செய்துவரும் இன்னொரு விஷயம் ரசிகர்களைச் சந்திப்பதற்கான திட்டமிடல். இதற்கான அறிவிப்பை விரைவில் ரஜினியே வெளியிடுவார் என்கிறார்கள்.

ராணா பெயர்க் காரணம்…
“தலைவர் இந்தப் படத்துக்கு ராணா என்று பெயர் சூட்டக் காரணம், அவரது தந்தை ராணோஜி ராவ் நினைவாகத்தான்,” என்று ராணா தலைப்புக்கு விளக்கம் கூறியுள்ளார் பெங்களூர் ரஜினி மன்றப் பொறுப்பாளர் மணிவண்ணன். சமீபத்தில் இவர் கர்நாடகத்தில் உள்ள கோடி லிங்கேஸ்வரர் கோயிலில் ரஜினியின் பெயரில் ஒரு லிங்கத்தை பிரதிஷ்டை செய்து, அதற்காக ரஜினி அண்ணன் சத்யநாராயணாவிடம் வாழ்த்தும் பெற்றுள்ளார்.

envazhi