றமழானே தருக றகுமத்தை தருக.

by ஹாசிம் Sun Jul 31, 2011 2:36 pm

அடைந்த வருடங்களெல்லாம்
உனையடைந்திருந்தேனே!!
கண்ணியமாய் உனையடைந்து - உன்
கருணைபெற்று வழியனுப்பினேனோ....

உன் பற்றிய சரித்திரங்கள் பல்லாயிரம்
உரைத்திடக்கேட்டிருந்தேனே......
உன் வழியில் என்னை நிலைநிறுத்தினேனா??
உன்னிடமே கேட்கத் தோன்றுகிறது

செறிந்த றகுமத்திற்கு சொந்தக்காறராம் நீ
சென்ற வருடங்களில் எனக்காக
எத்தனை மடங்கு சேர்த்துவிட்டுச்சென்றாய்
விடைதெரியாத கேள்விகளோடுள்ளேனே

வலிமையற்ற மனிதனானவன் நான்
வல்லவனுக்கான நோம்பினைச் சுமந்த
றமழானே உன் வருகையால்
உள்ளமது பூரிக்கிறது - இருந்தும்
பயப்படச்செய்கிறது

உனையடைந்தும் கைசேதமடைந்த
கூட்டத்தைப்பார்த்தும்
உன் மீது பரவிக்கிடக்கும்
நன்மைக் குவியல்களைக்
கண்டும் அடைந்திடாதோரைப்
பார்த்தும் பயப்படச்செய்கிறது

உன்னையும் என்னையும் படைத்த
இறைவனிடமே மண்டியிடுகிறேன்
எங்களைக் காத்திடும் இறைவா
அடைகின்ற றமழானையாவது
சுவனத்தின் வாசலாக்கிடு யாறப்பே.....

வருக றமழானே வருக
தருக றகுமத்தைத் தருக
வெல்ல சுவனத்தை வெல்ல
சந்தர்ப்பம் உன்னாலொரு சந்தர்ப்பம்
தந்துவிட்டுச் சென்றுவிடு......
மகிழும் மனதுடன்
மனதாற வரவேற்கிறேன்
வருக றமழானே வருக

அத்தனை அன்பர்களுக்கும் எனது றமழான் சிறப்புப்பிரார்த்தனைகளும் வாழ்த்துகளும் புனித றமழானை அடைந்து அதனூடாக சுவனம் அடைந்திட
இறைவன் எமக்கு அருள்புரியட்டும்