ராஜபக்சேவுக்கு எதிராக கையெழுத்து!ஆர்வத்துடன் கையெழுத்திட்ட பரத், சந்தானம்!

by kitcha Sun Jul 31, 2011 9:47 am

கடந்த சில வாரங்களாக நடிகர் நடிகைகள் அரண்டு கிடப்பது திருமாவளவனின் தொண்டர்களை பார்த்துதான். எந்த நேரத்தில் கையெழுத்து வாங்க வருவார்களோ, போட மாட்டோம் என்று சொன்னால் பிரச்சனையாகிவிடுமே என்ற நடுக்கம்தான் காரணம். ராஜபச்சேவை போர்க்குற்றவாளியாக அறிவிக்க வேண்டும் என்பதை வலியுறுத்தி நாடு முழுவதும் கையெழுத்து வேட்டையில் இறங்கியிருக்கிறார்கள் அவரது கட்சியினர். இந்த வேட்டை கோடம்பாக்கத்திலும் ஜரூராக நடந்து வருகிறது.

சில தினங்களுக்கு முன் நடிகர் விஜய்யிடம் கையெழுத்துக் கேட்கப் போன இக்கட்சியினரை விரட்டாத குறையாக அனுப்பி வைத்தார் அவர். இந்த நிலையில் நடிகர்கள் சந்தானமும், பரத்தும் கொடுத்த ஆதரவு உலக தமிழர்களின் மனதில் அவ்விருவர் மீதும் பெரும் பாசத்தை ஏற்படுத்தக் கூடும்.

அசோக் நகர் பகுதியில் நடைபெற்றுக் கொண்டிருந்த ஒரு படப்பிடிப்பில் இருவரும் ஒன்றாக இருப்பதை பார்த்த திருமா தொண்டர்கள், இந்த கையெழுத்து படிவத்தை அவர்களிடம் நீட்டினார்களாம். 'இது நல்ல விஷயமாச்சே, ஈழ தமிழர்களின் உணர்வுக்கு நம்மால் ஆன சிறு ஆதரவுதானே இது' என்று கூறிய சந்தானம் எவ்வித தயக்கமும் காட்டாமல் கையெழுத்திட்டிருக்கிறார். அருகிலேயே இருந்த பரத்தும், சந்தானத்தை போலவே தனது உணர்வுகளை வெளிப்படுத்தினாராம்.

tamilcinema

by **ரா.ரமேஷ்குமார்** Sun Jul 31, 2011 10:21 am

பாரட்டதகுந்த ஒரு செயல்... மகிழ்ச்சி

ராஜபக்சேவுக்கு எதிராக கையெழுத்து!ஆர்வத்துடன் கையெழுத்திட்ட பரத், சந்தானம்!

ராஜபக்சேவுக்கு எதிராக கையெழுத்து!ஆர்வத்துடன் கையெழுத்திட்ட பரத், சந்தானம்!

Re: ராஜபக்சேவுக்கு எதிராக கையெழுத்து!ஆர்வத்துடன் கையெழுத்திட்ட பரத், சந்தானம்!