ஜெயலலிதா சொத்துக்குவிப்பு வழக்கு தமிழக லஞ்ச ஒழிப்பு போலீசார் மீண்டும் விசாரணை நடத்த தடை

by **ந.கார்த்தி** Sat Jul 30, 2011 4:05 pm

பெங்களூர் : ஜெயலலிதா
சொத்துக் குவிப்பு வழக்கில் ஆகஸ்ட் 4ம் தேதி வரை மேல் விசாரணை
நடத்தக்கூடாது என்று தமிழக லஞ்ச ஒழிப்பு போலீசாருக்கு கர்நாடக உயர்
நீதிமன்றம் இடைக்கால தடை விதித்துள்ளது. முதல்வர் ஜெயலலிதா மீதான சொத்துக்
குவிப்பு வழக்கு, பெங்களூர் தனி நீதிமன்றத்தில் நடைபெற்று வருகிறது. இந்த
நிலையில், கர்நாடக உயர் நீதிமன்றத்தில் தி.மு.க. பொதுச் செயலாளர் அன்பழகன்
கடந்த 10 நாட்களுக்கு முன்பு புதிய மனு ஒன்றை தாக்கல் செய்தார்.

அதில், ‘சொத்துக்குவிப்பு வழக்கில் குற்றம் சாட்டப்பட்டுள்ள ஜெயலலிதாவும்
மற்ற மூவரும், தமிழக லஞ்ச ஒழிப்பு போலீசாரும் ரகசியமாக இணைந்து
செயல்படுகின்றனர். அதனால்தான், சொத்து குவிப்பு குற்றச்சாட்டு பற்றி மேல்
விசாரணை நடத்த லஞ்ச ஒழிப்பு போலீசார் முயற்சி மேற்கொண்டுள்ளனர். தனி
நீதிமன்றத்தில் ஏற்கனவே இந்த வழக்கு விசாரிக்கப்பட்டு வரும் நிலையில்,
சாட்சிகளை கலைக்கவும், ஏற்கனவே விசாரணையில் திரட்டப்பட்ட ஆதாரங்களை
அழிக்கவும்தான் இப்படி செய்யப்படுகிறது. எனவே, மேல் விசாரணைக்கு அனுமதி
கோரும் மனுக்களை ஏற்கக் கூடாது’ என்று அன்பழகன் கூறியுள்ளார்.

இந்த மனு நீதிபதி ஜெகன்னாதன் முன்னிலையில் நேற்று விசாரணைக்கு வந்தது.
அன்பழகன் சார்பில் வழக்கறிஞர் நாகேஷ் ஆஜராகி வாதிட்டார். பின்னர், நீதிபதி
ஜெகன்னாதன் அளித்த தீர்ப்பில், ‘‘ஜெயலலிதா சொத்துக் குவிப்பு வழக்கில்
ஆகஸ்ட் 4ம் தேதி வரை தமிழக லஞ்ச ஒழிப்பு போலீசார் மேல் விசாரணை எதையும்
செய்யக் கூடாது. இந்த உத்தரவை மீறி செயல்பட்டால் நீதிமன்றம் தகுந்த
நடவடிக்கை எடுக்கும்’’ என்று எச்சரித்தார். மேலும், விசாரணையை ஆகஸ்ட் 4ம்
தேதிக்கு ஒத்திவைத்தார்.
TMT ஜெயலலிதா சொத்துக்குவிப்பு வழக்கு தமிழக லஞ்ச ஒழிப்பு போலீசார் மீண்டும் விசாரணை நடத்த தடை 678642

ஜெயலலிதா சொத்துக்குவிப்பு வழக்கு தமிழக லஞ்ச ஒழிப்பு போலீசார் மீண்டும் விசாரணை நடத்த தடை 678642