இரண்டாம் உலகப்போரின் போது மாயமான ஓவியம் கண்டுபிடிப்பு

by puthiyaulakam Sat Jul 30, 2011 1:18 pm

19ம் நூற்றாண்டை சேர்ந்த புகழ்பெற்ற போலந்து ஓவியம் இரண்டாம் உலகப் போரின் போது மாயமானது. போலந்து மக்களால் போற்றப்பட்ட ஓவியக் கலைஞர் அலெக்சாண்டர் கெரிமிஸ்கியின் யூதப் பெண் ஆரஞ்சு விற்பனை செய்யும் காட்சியை வரைந்து இருந்தார். அந்த ஓவியத்தில் ஆரஞ்சு விற்பனை செய்யும் பெண் இரு கையிலும் ஆரஞ்சு கூடைகளுடன் இருப்பதையும், கடுமையான எடை இருந்த போதும் உதட்டில் புன்னகையுடன் இருப்பது போல காணப்பட்டது. 67 ஆண்டுகளுக்கு முன்னர் மாயமான இந்த ஓவியம் ஜேர்மனியின் ஹம்பர்க் ஏல மையத்தில் விற்பனைக்கு வந்த போது மீட்கப்பட்டது. போலந்து ஓவியம் சொந்த நாடு திரும்பியதை எண்ணி போலந்து மக்கள் அரிய புதையலை மீட்டதை போல உற்சாகம் அடைந்தனர்.

போலந்தின் வரலாற்று சிறப்பு மிக்க ஓவியத்தை பொது மக்கள் பார்வைக்கு புதன்கிழமை போலந்து கலாசாரத் துறை அமைச்சர் போக்டன் சோ ஜெவிஸ்கி திறந்து வைத்தார். ஆரஞ்சு விற்பனை பெண் ஓவியம் 1880 – 81 ஆம் ஆண்டில் வரையப்பட்டது. ஓவியர் அலெக்சாண்டர் கெரிமிஸ்கியின் பல ஓவியங்களில் வார்சாவின் வீதிகளில் வாழும் யூத மக்களை சார்ந்ததாக இது இருந்தது. மூலிகை எண்ணெயில் வரையப்பட்ட அந்த ஓவியத்தில் போலந்து வார்சா வானம் பனி சூழலில் இருப்பதையும் காட்டுகிறது. போலந்தை நாஜி ஜேர்மனி ஆக்கிரமித்த நிலையில் 1944ம் ஆண்டு இந்த ஓவியம் மாயமானது.

இரண்டாம் உலகப்போரின் போது மாயமான ஓவியம் கண்டுபிடிப்பு Bogdan-Zdrojewski-007