புலிகளின் தலைவர்கள் சிலர் ஊடகத்திற்கு அறிக்கைவிட உள்ளனராம்: அரசு

by பிரகாஸ் Thu 17 Sep 2009 - 0:36

கடந்த மே மாதத்தில் வன்னியில் இருந்து மக்கள் வெளியேறியபோது அங்கிருந்த விடுதலைப்
புலிகள் தலைவர்கள் சிலரை ராணுவத்தினர் கைது செய்து தமது தடுப்புக் காவலில் வைத்து
விசாரணை செய்து வருவதாகக் கூறப்படுகிறது. இந்தத் தலைவர்களில் சிலர் தம்மிடம் வந்து
சரணடைந்ததாகவும் அரசு கூறிக்கொண்டு வருவது குறிப்பிடத்தக்கது. இவ்வாறு தமது
கட்டுப்பாட்டில் உள்ள புலிகள் இயக்கத்தின் சில தலைவர்கள் ஊடகங்களுக்கு அறிக்கை
விடவுள்ளதாகவும், முரண்பட்ட சில விடயங்கள் பற்றித் தெரிவிக்க உள்ளதாகவும் அரசு
கூறியுள்ளது.

மேற்படி தகவலை போக்குவரத்து அமைச்சர் டலஸ் அழகபெருமா இன்று
கூறியுள்ளார். மிக் (MIG)விமானத்தைப் புலிகள் கொள்வனவு செய்வதாக இருந்த
சர்ச்சைக்குரிய விடயம் பற்றியும் அவர்கள் சில தகவல்களை ஊடகங்களுக்கு
வெளிவிடுவார்கள் என்றும் அவர் மேலும் கூறியுள்ளார்