திருச்சி பல்கலை., துணைவேந்தர் மீது ஊழல் புகார் : மாணவர்களும் போராட்டத்தில் குதித்தனர்

திருச்சி: திருச்சி பல்கலை., துணைவேந்தருக்கு
எதிராக முதுகலை மாணவர்கள் போராட்டம் துவக்கியுள்ளனர். இதனையடுத்து கல்லூரி
காலவரையின்றி மூட உத்தரவிடப்பட்டுள்ளது. திருச்சி பாரதிதாசன் பொன்னவைகோ
பல்வேறு ஊழல் குற்றச்சாட்டில் சிக்கியுள்ளார். இது தொடர்பாக கவர்னர்
சுர்ஜித்சிங் பர்னாலா விசாரிக்க உத்தரவிட்டுள்ளார்.


கோவை
அண்ணா பல்கலைக்கழக துணைவேந்தர் ராதாகிருஷ்ணனைத் தொடர்ந்து, திருச்சி
பாரதிதாசன் பல்கலைக்கழக துணைவேந்தர் பொன்னவைகோவும், ஊழல் குற்றச்சாட்டில்
சிக்கியுள்ளார். திருச்சி பாரதிதாசன் பல்கலைக்கழக துணைவேந்தர் பொன்னவைகோ.
பாரதிதாசன் பல்கலைக்கு கம்ப்யூட்டர் வாங்கியதில் முறைகேடு, மென்பொருள்
வாங்கியதில் முறைகேடு, வேலை நியமனங்களில் லஞ்சம் பெற்றது, பல்கலைக் கழக
நிதியை முறைகேடாக பயன்படுத்தியது, பல்வேறு துறைகளில் ஊழலுக்கு வழி
வகுத்தது ஆகிய குற்றச்சாட்டுகள் துணைவேந்தர் பொன்னவைக்கோ மீது
கூறப்பட்டுள்ளன.


துணைவேந்தர்
மீதான குற்றச்சாட்டுகளை விசாரித்து, அவர் மீது சட்டப்பூர்வ நடவடிக்கை
எடுக்குமாறு, பல்கலைக்கழக வேந்தரும், தமிழக கவர்னருமான சுர்ஜித்சிங்
பர்னாலா, தமிழக அரசுக்கு உத்தரவிட்டுள்ளார். ஏற்கனவே, கோவை அண்ணா
பல்கலைக்கழக துணைவேந்தராக இருந்த ராதாகிருஷ்ணன், அரசு மற்றும் தனியார்
பங்களிப்புடன் தனியார் பொறியியல் கல்லூரிகள் துவங்க அனுமதியளித்தது,
ஆன்-லைன் தேர்வு முறையில் டெண்டர் கோருவதில் முறைகேடு செய்தது உள்ளிட்ட
ஊழல் குற்றச்சாட்டுகளின் அடிப்படையில், சஸ்பெண்ட் செய்யப்பட்டுள்ளார்.
இந்நேரத்தில், பாரதிதாசன் பல்கலைக்கழக துணைவேந்தர் பொன்னவைக்கோ மீதான
குற்றச்சாட்டுகள், கல்வி வட்டாரத்தில் பெரும் பரபரப்பை ஏற்படுத்தியுள்ளன.


மாணவர்களும் குற்றச்சாட்டு :
பல்கலை., முதுகலை மாணவர்கள் பலர் இன்று வகுப்பிற்கு செல்லாமல் பல்கலை.,
வளாகம் முன்பு கூடினர் . அங்கு அமர்ந்து போராட்டத்தில் ஈடுபட்டனர்.
துணைவேந்தர் மாணவர்கள் நலனில் அக்கறை காட்டுவதில்லை. தங்கும் கட்டணத்தை
உயர்த்தியுள்ளார்.என குறை கூறி போராட்டத்தில் ஈடுபட்டனர். இதனையடுத்து
பல்கலை., காலவரையின்றி மூடப்படும் என உத்தரவிடப்பட்டுள்ளது.