நான் அழகி அல்ல

by Guest Tue Jul 26, 2011 1:59 pm

அழகற்ற பெண்ணாய்
இருப்பதில்
நிறைய சவுகர்யங்கள் உள்ளன
எந்த ஒப்பனையும்
சீர்ப்படுத்தாது
எந்த உடையும் பொருந்தாது
என்பதால்
உடுத்தும் நேரமும்
ஒப்பனை செலவும் மிச்சம்
ஆடையை அடிக்கடி
இழுத்துவிடத் தேவை இல்லை
மார்ச்சேலை விலகல்
பற்றிக் கவலையின்றி
வாய்பிளந்து
ரயிலில் தூங்கலாம்
காதல் கடிதங்களோடு
யாரும் துரத்த மாட்டார்கள்
காதலித்து மயக்கி
பம்பாயில் கொண்டு விடமாட்டார்கள்
பாத்ரூமில் யாரும்
எட்டிப் பார்க்கமாட்டார்கள்
மொபைலில் படமெடுத்து
வலையில் ஏற்ற மாட்டார்கள்
பேருந்து நெரிசலில்
புட்டத்தில் முட்டமாட்டார்கள்
புகார் கொடுக்கப் போகையில்
போலிசார் வன்புணரும்
அபாயம் இல்லவே இல்லை
இப்படி எத்தனையோ
சவுகர்யங்கள்...

ஒரே ஒரு அசவுகர்யம்தான்
எந்த இடத்திலும்
உங்களை
ஒரு மனுஷியாய்ப்
பார்க்க மாட்டார்கள்...

அதனாலென்ன?