காத்திருக்கிறோம்..எப்போது வருவாய் என..(அன்புள்ள இராதாவிற்கு)

by **rameshnaga** Sat Jul 23, 2011 4:24 am

மேலும் ஒரு பெயர்... எனப் பதிவாகி இருக்கிறது உனது பெயரும்..
இன்று நிகழ்ந்த மரணங்களில்.

வானம் நிறைக்கும் உன் ஆசைகள் வடிந்து வெற்றிடமாகி விட்டது
ஒரு கணப் பொழுதில்.

காலத்தின் தூண்டிலில் ஏறி,நிலவைப் பிடிக்கும் உனது ஆசைகள்...
நிராசை ஆகிவிட ...தரையில் தவித்து மரணம் ஏற்றுக்கொண்டாய் ..
ஒரு பரிதாப மீனாய்.

உனது கனவுகளின் வண்ணச் சிறகுகள்..உன்னிலிருந்து உதிர்ந்து
காற்றில் மிதந்து, மிதந்து விலகிச் செல்ல..
முடிவற்ற புராதனங்களின் இருள் குகையில்..
இனி எவரின் கண்களும் அறியாத ஒரு தனிச் சுடராய்..
தனித்து நீள்கிறது உன் பயணம்.

உனது கனவின் சிறகுகளோடு ...
இந்தப் பரந்த வானத்தை வெல்ல...
உனது குரலின் மகிழ்ச்சியே..இந்தப் பூமியின் இசையாகி விட..

சொல்?..நீ எப்போது வருவாய் என?..

by மகா பிரபு Sat Jul 23, 2011 5:32 am

உங்கள் கவிதையை படிக்கும் போதே கண்ணீர் வருகிறது.

by **rameshnaga** Sat Jul 23, 2011 8:56 am

இது ஒரு அஞ்சலிக் கவிதை. படித்து உங்களின் உணர்வுகளைப் பகிர்ந்து கொண்டமைக்கு நன்றி! மகா பிரபு!

by தாமு Sat Jul 23, 2011 8:57 am

by **ரிபாஸ்** Sat Jul 23, 2011 9:10 am

சூப்பர் நண்பா

by **rameshnaga** Sat Jul 23, 2011 9:19 am

நன்றி! தாமு.
நன்றி! ரிபாஸ்.

by kitcha Sat Jul 23, 2011 9:27 am

என் மனம் கணத்து விட்டது..

by வேணி மோகன் Sat Jul 23, 2011 9:33 am

வரிகள் படித்த கணத்தில்
அதன் அன்பின் கணத்தில்
இவ்வாறு எழுத தோன்றியது...

காணலான என் கனவுகள்
உன்(ங்கள்) மூலம் நனவாகையில்,
உன்(ங்கள்) மன நதியோரம்
கால் நனைக்கும் மலராக
நான் மலர்ந்தே இருப்பேன்