அதிகாரியை துடைப்பத்தால் அடித்த பெண் ஊழியர்

by ரபீக் Wed Jul 20, 2011 11:34 am

ஒரிசா மாநிலம் புவனேசுவரத்தில் மாவட்ட கல்விஅதிகாரியாக வேலை பார்த்து வருபவர் நிர்மல் பட்நாயக். அவரது அலுவலகத்தில் நிரந்தரம் அற்ற ஊழியராக அனிதா நாயக் என்ற பெண் வேலை செய்து வருகிறார். இவர் தனது பணியை நிரந்தரம் ஆக்க கோரி, அதிகாரி நிர்மல் பட்நாயக்கை அணுகினார். அப்போது அவர் இதற்கு பணம் கொடுக்க வேண்டும் என்று கூறினார்.

அதன்படி அவர் கேட்ட பணத்தை அனிதா நாயக் கொடுத்தார். என்றாலும் நிர்மல் பட்நாயக், பெண் ஊழியரை நிரந்தரம் ஆக்க வில்லை. தனது ஆசைக்கு இணங்குமாறு அவர், பெண் ஊழியரிடம் கேட்டார்.

இதைத்தொடர்ந்து அலுவலகத்தில் இருந்த நிர்மல் பட்நாயக்கை, பெண் ஊழியர் அனிதா நாயக் துடைப்பத்தால் அடித்தார். இதனால் பரபரப்பு ஏற்பட்டது. இதைத்தொடர்ந்து நிர்மல் பட்நாயக், போலீசில் புகார் செய்தார். அதிகாரியை அடித்ததாக பெண் ஊழியர் கைது செய்யப்பட்டார்

நக்கீரன்