கே.என். நேரு மீது ஹோட்டலை அபகரித்ததாக புகார்

by ரபீக் Tue Jul 19, 2011 12:25 pm

திமுக முன்னாள் அமைச்சர் கே.என். நேரு உள்பட 11 பேர் மீது திருச்சி மாநகர காவல் ஆணையரிடம் ஹோட்டல் அபகரிப்பு புகார் கொடுக்கப்பட்டுள்ளது.

நாமக்கல் மாவட்டத்தைச் சேர்ந்தவர் டாக்டர் கே. கதிர்வேல். இவர் நேற்று திருச்சி மாநகர காவல் ஆணையர் இ.மா. மாசானமுத்துவை சந்தித்து புகார் மனு ஒன்றை கொடுத்தார்.

அந்த மனுவில் கூறியிருப்பதாவது,

கடந்த 2005-ம் ஆண்டு திருச்சி மத்திய பேருந்து நிலையம் அருகே உள்ள ஹோட்டல் ஒன்றை அதன் உரிமையாளர்கள் ஆர். குரு சங்கர நாராயணன், ஆர். சங்கரிதேவி, ஆர். சுப்புலட்சுமி, வளமங்கை நாச்சியார் ஆகியோரிடம் இருந்து முறைப்படி வாங்கினேன். இது குறித்து நாங்கள் புரிந்துணர்வு ஒப்பந்தமும் செய்துள்ளோம்.

இதையடுத்து ஹோட்டலுக்கான வரிகள், கட்டணங்களை நான் செலுத்தினேன். பின்னர் ரூ. 1.5 கோடி செலவு செய்து ஹோட்டலை புதுப்பித்தேன்.

இந்நிலையில் கடந்த 2007-ம் ஆண்டு அக்டோபர் மாதம் என் ஹோட்டலுக்கு அருகே உள்ள இன்னொரு ஹோட்டல் உரிமையாளர்களான ஜி. ரங்கநாதன், ஜி. மணி மற்றும் சிலர் வந்து என்னை மிரட்டினர்.

திமுக முன்னாள் அமைச்சர் கே.என். நேரு மற்றும் அவருடைய சகோதரர் கே.என். ராமஜெயம் ஆகியோர் என் ஹோட்டலை வாங்க ஆர்வமாக உள்ளனர் என்றும், அவர்கள் மீறி இங்கு எதுவும் செய்ய முடியாது என்றும் மிரட்டினர்.

அவர்கள் தொடர்ந்து மிரட்டியதால் நான் கடந்த 2007-ம் ஆண்டு டிசம்பர் மாதம் 22-ம் தேதி இது குறித்து கன்டோன்மென்ட் காவல் நிலையத்தில் புகார் கொடுத்தேன். மறுநாள் இரவு 1.30 மணி அளவில் திமுக கட்சிக் கொடி கட்டிய காரில் வந்தவர்கள் என் ஹோட்டலை அடித்து நொறுக்கிவிட்டு, ஊழியர்களையும் விரட்டிவிட்டனர்.

இதனால் அதிர்ச்சியடைந்த நான் உடனே அப்போதைய கன்டோன்மென்ட் காவல் ஆய்வாளர் சுவாமிநாதனை தொலைபேசியில் தொடர்பு கொண்டு நடந்ததை தெரிவித்தேன். அதற்கு அவர் அமைச்சரின் ஆசையைத் தடுக்க முடியாது. எனவே, அவரது தம்பியிடம் சமரசமாகப் போகுமாறு தெரிவித்தார். நான் இந்த உரையாடலை பதிவு செய்து வைத்திருக்கிறேன்.

நான் கொடுத்த புகார் பற்றி கண்டுகொள்ளாத காவல்துறை, எதிர்மனுதாரர்களிடம் இருந்து பெற்ற பொய்ப் புகாரை வைத்துக் கொண்டு போலீசார் என் மீதும், என்னைச் சார்ந்தவர்கள் சிலர் மீதும் வழக்கு தொடர்ந்துள்ளனர்.

இந்த விவகாரம் குறித்து உரிய விசாரணை நடத்தி என்னிடம் இருந்து அநியாயமாகப் பறிக்கப்பட்ட ஹோட்டலை மீட்டுத் தருமாறு கேட்டுக் கொள்கிறேன் என்று அதில் கூறப்பட்டுள்ளது.
தட்ஸ்தமிழ்

by பாலாஜி Tue Jul 19, 2011 12:30 pm

. திருச்சியில் அவர் இன்னும் வாங்கமால் இருப்பது திருச்சி மலைக்கோட்டைதான் என்று கேள்வி பட்டேன் .

by ரபீக் Tue Jul 19, 2011 12:32 pm

வை.பாலாஜி wrote:
. திருச்சியில் அவர் இன்னும் வாங்கமால் இருப்பது திருச்சி மலைக்கோட்டைதான் என்று கேள்வி பட்டேன் .

இதே கேள்வியை கருணாநிதியே அவரிடம் கேட்டு விட்டார் பாலாஜி !!!

by **Tamilzhan** Tue Jul 19, 2011 12:36 pm

வை.பாலாஜி wrote:
. திருச்சியில் அவர் இன்னும் வாங்கமால் இருப்பது திருச்சி மலைக்கோட்டைதான் என்று கேள்வி பட்டேன் .

அதை ஏற்கனவே கல்குவாரிக்கு விற்று விட்டாராம்... சிரி

by பாலாஜி Tue Jul 19, 2011 12:37 pm

ரபீக் wrote:
வை.பாலாஜி wrote:
. திருச்சியில் அவர் இன்னும் வாங்கமால் இருப்பது திருச்சி மலைக்கோட்டைதான் என்று கேள்வி பட்டேன் .

இதே கேள்வியை கருணாநிதியே அவரிடம் கேட்டு விட்டார் பாலாஜி !!!

ஒருவர் சொத்து வாங்குவது எவ்வளவு சிரமம் ( என்னால் இன்னும் ஒரு மனை கூட வாங்க முடியவில்லை) .. ஒருவர் சொத்தை மிரட்டி வாங்குவது கொடுமை , பாதிக்கபட்டவர்களுக்குதான் அதன் வேதனை தெரியும்.

திருச்சியில் புகழ் பெற்ற ஜவுளி நிறுவனத்தையும் விற்க சொல்லி மிரட்டினாராமே ..?

by பாலாஜி Tue Jul 19, 2011 12:39 pm

Tamilzhan wrote:
வை.பாலாஜி wrote:
. திருச்சியில் அவர் இன்னும் வாங்கமால் இருப்பது திருச்சி மலைக்கோட்டைதான் என்று கேள்வி பட்டேன் .
அதை ஏற்கனவே கல்குவாரிக்கு விற்று விட்டாராம்...

இப்படியே போன , ஒவ்வொரு மாவட்ட செயாளரும் தன் மாவட்டத்திர்க்கு தன் பெயரை வைத்துவிடுவார்கள் போல .... அதிர்ச்சி

by ரபீக் Tue Jul 19, 2011 12:40 pm

சே சே மிரட்டுவது எல்லாம் அவர் வேலை இல்லை ,,அதை அவருடைய தம்பி ராமஜெயம்தான் பண்ணுவார் (தம்பி உடையான் படைக்கு அஞ்சான்)

இவங்களோட அதிகார பலத்தால் பாதிக்கப்பட்டவர்கள் போராட்டம் நடத்தினால் தமிழகம் தாங்காது என்பது என்னுடைய கணிப்பு !!

by SK Tue Jul 19, 2011 12:41 pm

இவருக்கு புழலலா இல்லை மதுரை மத்திய சிறைச்சாலையா

by பாலாஜி Tue Jul 19, 2011 12:45 pm

ரபீக் wrote:சே சே மிரட்டுவது எல்லாம் அவர் வேலை இல்லை ,,அதை அவருடைய தம்பி ராமஜெயம்தான் பண்ணுவார் (தம்பி உடையான் படைக்கு அஞ்சான்)

இவங்களோட அதிகார பலத்தால் பாதிக்கப்பட்டவர்கள் போராட்டம் நடத்தினால் தமிழகம் தாங்காது என்பது என்னுடைய கணிப்பு !!

என்ன செய்வது கட்சி தலைவருக்கு தன் மகளையே அடக்கமுடியவில்லை ,அப்புறம் எப்பூடி தன் கட்சி உள்ளவர்களை அடக்க முடியும் .

கனிமொழி வாங்கிய சொத்தை விட இவர் குறைவாகதன் வாங்கியிருப்பார் ...