நடிகர் விஜய் - ரசிகர்கள் கூட்டத்தின் மீது தடியடி

by **இளமாறன்** Mon Jul 18, 2011 4:14 pm

[color:07a2=#fff]

திங்கட்கிழமை, 18, ஜூலை 2011 (11:49 IST)

தவறி விழுவது சகஜம்தான்: நடிகர் விஜய்

சேலம் மாவட்ட தலைமை விஜய் நற்பணி மன்றத்தின்
சார்பில் விஜய் மக்கள் இயக்கத்தின் நலத்திட்ட உதவிகள் வழங்கும் விழா
17.07.2011 அன்று மாலை நடைபெற்றது. சேலம் 3 ரோடு ஜவகர் மில் திடலில் நடந்த
இந்த விழாவுக்கு டைரக்டர் எஸ்.ஏ.சந்திரசேகர் தலைமை தாங்கி பேசினார்.

இந்த விழாவில் நடிகர்
விஜய் கலந்து கொண்டு ஏழை பெண்களுக்கு இலவச தையல் எந்திரங்கள்,
மாற்றுத்திறனாளிகளுக்கு 3 சக்கர சைக்கிள்கள், அரசு ஆஸ்பத்திரிக்கு
சக்கரநாற்காலிகள் உள்பட ரூ.8 லட்சம் மதிப்பிலான நலத்திட்ட உதவிகளை
வழங்கினார்.

நடிகர் விஜய்யை பார்க்க
வேண்டும் என்ற ஆர்வத்தில் மைதானத்தில் திரண்டு இருந்த ரசிகர்கள்
கூட்டத்தின் ஒரு பகுதி மேடையை நோக்கி முண்டியடித்துக்கொண்டு வர
ஆரம்பித்தது. அதனால் கூட்டத்தில் நெரிசல் ஏற்பட்டது.

அதைப் பார்த்ததும்
பாதுகாப்புக்கு நின்ற போலீசார் மேடையை நோக்கி வந்த ரசிகர்கள் கூட்டத்தின்
மீது தடியடி நடத்தி அவர்களை விரட்டியடித்தனர். மேலும் கூட்டத்தின் நடுவே
இருந்த சில ரசிகர்கள் விஜய்யை நெருக்கமாக சென்று பார்க்க முடியாத
ஆத்திரத்தில் தாங்கள் அமர்ந்திருந்த நாற்காலிகளை தலைக்கு மேல் தூக்கி
எறிந்ததால் பரபரப்பு ஏற்பட்டது.

விழாவில் பேசிய நடிகர் விஜய்,

தமிழகத்தில் சமீபத்தில்
நடந்த சட்டமன்ற தேர்தலில் அ.தி.மு.க. ஜெயிக்க வேண்டும் என்று நான்
விரும்பினேன். தமிழகத்தில் ஒரு மாற்றம் வர வேண்டும் என்பதற்காக முதல்வர்
ஜெயலலிதா தலைமையிலான கூட்டணிக்கு எனது தந்தையார் மூலம் எனது ஆதரவைத்
தெரிவித்திருந்தேன். என்னுடைய விருப்பத்தை நிறைவேற்ற நீங்கள் தேர்தல்
நேரத்தில் கடுமையாக உழைத்தீர்கள். அதற்கு பலன் கிடைத்தது. தமிழகத்தில்
ஆட்சி மாற்றம் ஏற்பட்டு முதல் அமைச்சராக ஜெயலலிதா பதவி ஏற்றார்.

அதேபோல் சமீபத்தில்
முதல் அமைச்சர் ஜெயலலிதா, இலங்கை அதிபர் ராஜபக்சேவை போர்க்குற்றவாளியாக
அறிவிக்க வேண்டும் என்றார்கள். அவரின் அந்த கருத்துக்கு ஆதரவாக சேலத்தில்
என்னுடைய ரசிகர்கள் பெருமளவில் திரண்டு வந்து போராட்டத்தில் ஈடுபட்டீர்கள்.

இந்த விழா மேடையில் நான்
நிற்கிறேன் என்றால் அதற்கு காரணம் நீங்கள்தான். உங்களால் நான் உயர்ந்தேன்.
என்னைப் போன்று நல்ல நிலைக்கு, உயர்ந்த நிலைக்கு நீங்களும் வரவேண்டும்
என்று நான் விரும்புகிறேன். இந்த சினிமா உலகில் நான் எத்தனையோ தோல்விகள்,
அவமானங்கள், கேலி கிண்டல்களை, தடைகளை சந்தித்தேன். அதையெல்லாம் கண்டு நான்
துவண்டு விடவில்லை. கடின முயற்சிகள் செய்து தொடர்ந்து உழைத்து இந்த
நிலைக்கு உயர்ந்துள்ளேன்.

நக்கீரன்