பா.ம.க. பொதுக் குழு கூட்டம்-திமுக கூட்டணிக்கு டாட்டா?

by ரபீக் Sun Jul 17, 2011 11:16 am

பா.ம.க. பொதுக் குழு கூட்டம் வரும் ஜூலை 27 ம் தேதி சென்னையில் நடைபெற உள்ளது. அக்கூட்டத்தில் திமுக கூட்டணிக்கு முடிவு கட்டப்படும் என்ற எதிர்பார்ப்பு எழுந்துள்ளது.

இது குறித்து, பா.ம.க. தலைவர் ஜி.கே. மணி வெளியிட்ட அறிக்கையில்,

பா.ம.க. பொதுக் குழு கூட்டம் வரும் ஜூலை 27 ம் தேதி சென்னையில் நடைபெற உள்ளது. சென்னை பல்கலைக் கழகத்துக்கு பின்புறம் உள்ள சுவாமி சிவானந்தா சாலையில் அண்ணா கலையரங்கத்தில் பொதுக் குழு கூட்டம் நடைபெறும் என்று கூறியுள்ளார்.

உள்ளாட்சி தேர்தலில் தி.மு.க.வுடனான கூட்டணி தொடருமா என்பது குறித்து கட்சியின் பொதுக்குழு கூடி முடிவெடுக்கும் என்று பா.ம.க. நிறுவனர் டாக்டர் ராமதாஸ் ஏற்கனவே தெரிவித்துள்ளார்.இந்த நிலையில் பாமகவின் பொதுக் குழு முக்கியத்துவம் பெறுகின்றது. திமுகவுடன் கூட்டணி தொடருமா அல்லது முடிவுக்கு வருமா என இதில் தெரிந்துவிடும்.

இதேபோல திமுகவும் தனது மாநில செயற்குழு மற்றும் பொதுக்குழுக் கூட்டத்தை கோவையில் கூட்டியுள்ளது. அப்போது காங்கிரஸுடனான கூட்டணிக்கு திமுக டாட்டா காட்டுமா என்ற எதிர்பார்ப்பு நிலவுவது குறிப்பிடத்தக்கது.

தட்ஸ்தமிழ்

by **சிவா** Sun Jul 17, 2011 11:24 am

எந்த மரத்தில் கனிகள் உள்ளதோ அங்கு பறந்து சென்று அமரும் பணப் பசியெடுத்த குருவிகள்!

by **அருண்** Sun Jul 17, 2011 2:35 pm

அய்யா மருத்துவர் அய்யா! இந்த மரத்தை விட்டு வேறு ஒரு மரத்துக்கு தாவுங்கள்!! சிரி

by kitcha Sun Jul 17, 2011 2:46 pm

(பாமக)உங்களை சொல்லி குற்றம் இல்லை.நீங்கள் சொல்வதையெல்லாம் கேட்டு கொண்டு, பூம் பூம் மாடு போல் தலை ஆட்டிக் கொண்டு இருக்கிற இந்த மக்களை சொல்லவேண்டும்.அந்த மரம்(திமுக) இல்லை என்றால் இந்த மரம்(அதிமுக), தனியாக ஒரு மரத்தை உருவாக்க முடியவில்லை(முடியாது ஏனென்றால் காடு வெட்டி குரு கூட இருக்காரே), இதில் பசுமைத் தாயகம் என்ற திட்டம் வேறு.