மும்பையில் மூன்று இடங்களில் வெடிகுண்டு தாக்குதல்

by dsudhanandan Wed Jul 13, 2011 8:30 pm

மும்பையில் இன்று மாலை மூன்று இடங்களில் சக்தி வாய்ந்த வெடிகுண்டு வெடித்தது. மும்பையின் மேற்கு தாதர் பகுதியில் நிறுத்திவைக்கப்பட்டிருந்த காரில் வெடிகுண்டு வெடித்தது. இதே போல், ஜாவேரி பஜார் பகுதியில் 2வது குண்டுவெடிப்பு நிகழ்ந்தது. மூன்றாவது குண்டுவெடிப்பு தெற்கு மும்பையில் உள்ள ஓபரா ஹவுஸ் அருகே நடந்துள்ளது. அனைத்து குண்டுவெடிப்பும் மக்கள் நெரிசல் அதிகமுள்ள இடங்களிலும், பரபரப்பான நேரத்திலும் நடந்துள்ளது.

இந்த குண்டுவெடிப்புகளில், 10 பேர் பலியானதாகவும், 100க்கும் அதிகமானோர் காயமடைந்துள்ளதாகவும் அதிகாரப்பூர்வமற்ற தகவல்கள் தெரிவிக்கின்றன. காயமடைந்தவர்கள் 4 மருத்துவமனைகளில் அனுமதிக்கப்பட்டுள்ளனர். 1993ம் ஆண்டு, இதே ஜாவேரி பஜாரில் நிகழ்ந்த குண்டுவெடிப்பில் 50க்கும் மேற்பட்டோர் பலியானது குறிப்பிடத்தக்கது. நகரில் தொடர்குண்டுவெடிப்புகள் நடத்ததப்பட இருப்பதாக போலீஸ் கண்ட்ரோல் ரூமிற்கு மர்ம அழைப்பு வந்துள்ளது. சம்பவ இடத்திற்கு தேசிய புலனாய்வு துறையினர் விரைந்துள்ளனர்.

ஜாவேரி பஜார் பகுதியில் இருந்த மீட்டர் பெட்டி ஒன்றில் மறைத்து வைக்கப்பட்டிருந்த குண்டு வெடித்துள்ளது. இதே போல், தாதர் பகுதியில் கபுதார் கானா என்ற இடத்தில் கார் ஒன்றில் வைக்கப்பட்டிருந்த குண்டுவெடித்தது. வெடிகுண்டு சம்பவத்தையடுத்து, நாடுமுழுவதும் போலீசார் உஷார் படுத்தப்பட்டுள்ளனர்.

பயங்கரவாத தாக்குதல்: மும்பையில் நடந்த குண்டுவெடிப்பு ஒரு பயங்கரவாத தாக்குதல் என உள்துறை அமைச்சகம் உறுதி செய்துள்ளது. இந்நிலையில், ஜாவேரி பஜார் பகுதியில் வெடிக்காத குண்டு ஒன்றை போலீசார் கண்டுபிடித்துள்ளனர். தாக்குதலுக்கு பயன்படுத்தப்பட்ட குண்டுகள் குறித்து ஆய்வு நடந்து வருவதாக போலீசார் தெரிவித்துள்ளனர். மும்பை குண்டுவெடிப்பைத் தொடர்ந்து டில்லியில் பாதுகாப்பு ஏற்பாடுகள் அதிகரிக்கப்பட்டுள்ளன.

- dinamalar

by dsudhanandan Wed Jul 13, 2011 8:32 pm

2 பேர் இறந்ததாகவும், 100 பேர் காயமடைந்ததாகவும் டைம்ஸ் நவ் - செய்தி

by **அருண்** Wed Jul 13, 2011 8:39 pm

அய்யோ பாவம் மும்பைக்கு வெடிகுண்டு தாக்குதளில் இருந்து விடிவுகாலம் கிடைக்காத.. சோகம்

by kitcha Wed Jul 13, 2011 9:01 pm

அரசு சரியான நடவடிக்கை எடுக்காதவரையில் இனி என்னென்ன நடக்குமோ

by dsudhanandan Wed Jul 13, 2011 9:06 pm

10 பேர் இறந்ததாகவும், 100 பேர் காயமடைந்ததாகவும் டைம்ஸ் நவ் - செய்தி

by **அருண்** Wed Jul 13, 2011 9:20 pm

by விஜயராகவன். Wed Jul 13, 2011 9:29 pm

குண்டு வைத்தாவர்கலை நடுரோட்டில் வைது சுட வேண்டும் ... சுட்டுத்தள்ளூ!

by dsudhanandan Wed Jul 13, 2011 9:34 pm

17 பேர் இறந்ததாகவும், 81 பேர் காயமடைந்ததாகவும் மகாராஷ்டிரா முதல்வர்

by **ரா.ரமேஷ்குமார்** Wed Jul 13, 2011 9:43 pm

இந்தியா தொழில் நுட்பத்தில் முன்னேறுகிறது என்று பெயருக்கு வேண்டுமானால் சொல்லிக் கொள்ளலாம் இது போல் அசம்பாவிதங்களை தடுக்க நமது அரசு கவணம் செலுத்த வேண்டும் பாதுக்காப்பிற்காக காவலர்கள் உள்ளார்கள் ஆனால் இது போன்ற சமங்களில் அவர்கள் கையில் இன்னும் லட்டி தான் இருக்கும் தீவிரவாதிகள் அதி நவின ஆயுதங்கள் வைத்து கொண்டு தாக்குதல் நடத்துகிறார்கள் ஆனால் நம் வீரர்களே இன்னும் பல காலத்து ஆயுதங்களை தான் பயன்படுத்துகிறார்கள் அரசு முதலில் காவல் துறையை முற்றிலும் நவின படுத்த வேண்டும் அனைத்து காவல் நிலையங்களையும் இனையம் மூலாமாக மட்டும் இனைக்காமல் நவின ஆயதங்கள் வழங்கி புதுபிக்க வேண்டும் உள்நாட்டு பாதுகாப்பிற்க்கு அதிக கவணமும் முக்கியதுவமும் கொடுக்க வேண்டும் பிடித்த தீவிரவாதியை வைத்து கொண்டு இன்னும் விசாரித்து கொண்டு இருக்க கூடாது இது போன்ற செயல்களுக்கு இன்னும் சிந்தித்து கொண்டே இருக்க கூடாது ...