Latest topics

இரட்டையர்களுக்கு இரட்டையர்களுடன் திருமணம் :நடத்தி வைத்தது இரட்டை சகோதர பாதிரியார்கள்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

இரட்டையர்களுக்கு இரட்டையர்களுடன் திருமணம் :நடத்தி வைத்தது இரட்டை சகோதர பாதிரியார்கள்

Post by இளமாறன் Wed Jul 13, 2011 1:33 am

கொச்சி : ஏழு ஜோடி இரட்டையர்கள் கலந்துகொண்ட திருமண வைபவம் வித்தியாசமான
அனுபவமாக இருந்தது. இரட்டை சகோதரர்களுக்கு இரட்டை சகோதரிகளுடன் நடந்த
திருமணத்தை, இரட்டை சகோதர பாதிரியார்கள் நடத்தி வைத்தனர்.
பாதிரியார்களுக்கு உதவிய இருவரும் இரட்டையர்களே.கேரள மாநிலம், இடுக்கி
மாவட்டம், குமளி பகுதியைச் சேர்ந்த சார்லி - சிசிலி தம்பதியரின் இரட்டை
மகன்களான, டோனி மற்றும் ரோனி ஆகியோருக்கு நடந்த திருமணம், அதிகளவு
இரட்டையர்கள் கலந்துகொண்ட இரட்டையர் சங்கமமாக அமைந்தது. அவர்களை,
எர்ணாகுளம் மாவட்டம், ஆலுவா பகுதியைச் சேர்ந்த அன்னா மற்றும் மரியா ஆகிய
இரட்டை சகோதரிகள் திருமணம் செய்து கொண்டனர்.
இரட்டையர்கள் திருமணத்தை ஆசீர்வதித்த, களமசேரி சி.எம்.ஏ. சர்ச்
பாதிரியார்கள் ரேஜி மனையக்க பரம்பில் மற்றும் ரஜி மனையக்க பரம்பில் ஆகிய
இருவரும் இரட்டை சகோதரர்கள். பாதிரியார்களுக்கு, வழியில் உதவிய டானி
மற்றும் டென்னி ஆகிய இருவரும் இரட்டை சகோதரர்களே. திருமணம் முடிந்த பின்
தம்பதிகளை வரவேற்க வந்த குழுவில் இடம் பெற்றிருந்த ஆலன் மற்றும் ஆல்பியும்,
ஜென்சி மற்றும் ஜின்சி, ஜோஸ்னா மற்றும் ஜோசினாவும் இரட்டையர்களே என்பது
தான் இதன் சிறப்பு. இந்த அபூர்வ திருமணத்தில் ஏழு ஜோடி இரட்டையர்கள்
கலந்துகொண்டது தான், திருமணத்தில் பங்கேற்றவர்களுக்கு வித்தியாசமான
அனுபவமாக இருந்தது.

நேசி.. உன்னை நீ நேசிப்பது போல பிறரையும் நேசி

நட்புடன் என்றும்... உங்கள் நண்பன் இளமாற‌ன்

இரட்டையர்களுக்கு இரட்டையர்களுடன் திருமணம் :நடத்தி வைத்தது இரட்டை சகோதர பாதிரியார்கள் Ila

இளமாறன்: மன்ற ஆலோசகர்; பதிவுகள் : 13977
இணைந்தது : 29/12/2009