வடிவேலு பேசுனது எல்லாமே நான் எழுதிக் கொடுத்ததுதான் - சிங்கமுத்து

by தாமு Tue Jul 12, 2011 8:28 am

வடிவேலு பேசுனது எல்லாமே நான் எழுதிக் கொடுத்ததுதான் என்று காமெடி நடிகர் சிங்கமுத்து கூறியள்ளார். மீண்டும் வடிவேலுவுடன் நடிப்பீர்களா என்ற கேள்விக்கும் அவர் பதில் அளித்துள்ளார். வடிவேலுவுடன் காமெடி காட்சிகளில் நடித்து பிரபலமானவர் நடிகர் சிங்கமுத்து. நிலமோசடி தொடர்பாக அவர்களுக்குள் முட்டிக் கொண்டதால் எதிரும் புதிருமாக இருந்து வரும் வடிவேலுவும், சிங்கமுத்துவும் கடந்த தேர்தலில் எதிர் எதிர் கட்சிகளுக்காக பிரசாரம் செய்தனர். திமுகவுக்கு ஆதரவாக பேசிய வடிவேலு, எதிர்க்கட்சி தலைவர் விஜயகாந்தை தரக்குறைவாக விமர்சித்தார். சிங்கமுத்துவோ... வடிவேலுவை தாறுமாறாக விமர்சித்தார்.

தேர்தலில் திமுக படுதோல்வியை தழுவியதால் வடிவேலு இருக்கும் இடம்தெரியாமல் இருக்கிறார். அதிமுக அமோக வெற்றி பெற்றதால் சிங்கமுத்து சீறிக் கொண்டு மாநிலம் முழுவதும் வலம் வருகிறார். ஈரோட்டில் ஒரு நிகழ்ச்சியில் பங்கேற்பதற்காக வந்திருந்த சிங்கமுத்துவிடம், வடிவேலு பற்றி நிருபர்கள் கேள்வி கேட்டனர். அதற்கு பதில் அளித்த சிங்கமுத்து, வடிவேலுவுக்கு அரசியல் பற்றி ஒன்றும் தெரியாது. சினிமாவிலேயே வடிவேலு பேசுன வசனமெல்லாம் நான் எழுதிக் கொடுத்ததுதான். அத வெச்சித்தான் அவர் முன்னுக்கு வந்தார், என்றார். மீண்டும் வடிவேலுவுடன் சேர்ந்து நடிப்பீர்களா? என்ற கேள்விக்கு, "என்னது வடிவேலு நடிக்கிறாரா? என ஆச்சர்யத்துடன் கேட்டு, போங்க தம்பீ... தமாசு பண்ணாதீங்க! என்று கிண்டலாக பதில் சொன்னார்.

வைகைப்புயலின் நிலைமை இப்படி ஆயிடுச்சே!

http://www.tamilulakam.com/cinema/view.php?id=26740