கோபாலபுரம் முதலில் சிக்குகிறது! பாருங்கள் வேடிக்கையை!!

by தாமு Thu Jul 07, 2011 1:14 pm

தாம்பரம், இந்தியா: தி.மு.க.வினர் நமது பிரதமர் ஏதோ குற்றம் செய்துவிட்டதைப் போல தற்போதெல்லாம் மேடைகளில் பேசத் தொடங்கியுள்ளனர். அதற்கெல்லாம் பயந்து நடுங்கும் ஆட்கள் நாங்கள் அல்ல! பிரதமர் அப்பழுக்கற்றவர். ஆனால் விசாரணையை தமிழகத்தில் விரிவு படுத்தினால், முதலில் சிக்கப்போவது கோபாலபுரம்தான்” என்று கூறியுள்ளார் முன்னாள் மத்திய அமைச்சர் ஈ.வி.கே.எஸ். இளங்கோவன்.

காஞ்சிபுரம் மாவட்ட காங்கிரஸ் கட்சி சார்பில் நடைபெற்ற பொதுக்கூட்டத்திலேயே அவர் இப்படிக் காரசாரமாகப் பேசியுள்ளார். “லோக்பால் மசோதாவில் பிரதமரை சேர்க்க வேண்டுமென்று கூறுகின்றனர். பிரதமரை சேர்ப்பதில் எங்களுக்கு துளிக்கூட பயம் கிடையாது.

ஆனால், விசாரணை வளையத்துக்குள் பிரதமரைக் கொண்டுவருவதுடன் நிறுத்திக் கொள்ளக் கூடாது. முன்னாள் முதல்வர்களையும் அதே விசாரணை வளையத்துக்குள் கொண்டுவர வேண்டும். அப்போதுதான் பார்க்கலாம் வேடிக்கை. காரணம், முதலில் சிக்கிக் கொள்வது கோபாலபுரமாக இருக்கும்!” என்றுத் தி.மு.க.வை விளாசியிருக்கிறார் இளங்கோவன்.

“கோபாலபுரம் ஏன் சிக்கிக் கொள்ளுமென்றால், லஞ்சத்தை விஞ்ஞான ரீதியில் செய்தவரே கருணாநிதிதான். விசாரணை என்று வந்துவிட்டால், எல்லா விஞ்ஞானமும் அகப்பட்டுக் கொள்ளும். அது நடக்கத்தான் போகிறது. விரைவில், தமிழகத்தில் ஆளும் கட்சியாக காங்கிரஸ் வரும்” என்றும், இளங்கோவன் பேசினார்.

இளங்கோவன் பேசியவை எல்லாமே சரியாகத்தான் இருக்கின்றன. ஆனால், கடைசி வாக்கியத்தில்தான் ஜோக் அடித்துவிட்டார்.

vivi

by ரேவதி Thu Jul 07, 2011 1:16 pm

by திவ்யா Thu Jul 07, 2011 1:19 pm

by நட்புடன் Thu Jul 07, 2011 1:22 pm

தாமு wrote:

விரைவில், தமிழகத்தில் ஆளும் கட்சியாக காங்கிரஸ் வரும்” என்றும், இளங்கோவன் பேசினார்.

இளங்கோவன் பேசியவை எல்லாமே சரியாகத்தான் இருக்கின்றன. ஆனால், கடைசி வாக்கியத்தில்தான் ஜோக் அடித்துவிட்டார்.

vivi

ரொம்ப கரீக்டா பாய்ண்ட புடிச்சீங்க.