சல்மான் கானை வைத்து ஹிந்தியில் படம் இயக்குகிறார் ராகவா லாரன்ஸ்

by தாமு Tue Jul 05, 2011 4:58 pm

பாலிவுட்டின் பிரபல நடிகரான சல்மான் கான், ராகவா லாரன்ஸின் இயக்கத்தில் படம் பண்ண வேண்டும் என்று ஆசைப்பட்டிருக்கிறார். அதனை லாரன்ஸிடமும் தெரிவிக்க, அந்த வாய்ப்பை மகிழ்ச்சியுடன் ஏற்றுக் கொண்டிருக்கிறார் லாரன்ஸ்.

இப்படி ஒரு ஆசை பாலிவுட்டில் இருக்கும் சல்மான் கானுக்கு ஏற்படக் காரணம் என்னவென்றால், ராகவா லாரன்ஸ் இயக்கி வரும் ‘முனி’ படத்தின் இரண்டாம் பாகமான ‘காஞ்சனா’ படத்தின் டிரெய்லர்தானாம். இந்த டிரெய்லரை எதோச்சையாகப் பார்த்த சல்மான் கான், இந்த படத்தை இயக்கியது யார்? இப்படத்தின் ஹிந்தி ரீமேக்கில் நான் நடிக்க வேண்டும் என்று ஆசைப்பட்டவர், தென்னிந்திய திரை உலக நண்பர்களிடம் இதுகுறித்து விசாரித்து, பின் லாரன்ஸை தொடர்பு கொண்டிருக்கிறார்.

இந்த ‘காஞ்சனா’ திரைப்படத்தின் ஹிந்தி ரீமேக்கில், லாரன்ஸ் நடித்த வேடத்தில், சல்மான் கான் நடிக்கப் போகிறாராம். இதற்கான வேலைகளில் லாரன்ஸ் ஈடுபட்டுள்ளாராம். இவர்கள் இருவரும் இணைந்து ஹிந்தியில் படம் இயக்குவது குறித்து, இன்னும் இரண்டு வாரத்திற்குள் அதிகார பூர்வமாக அறிவிப்பு வரும் என்று எதிர்பார்க்கப்படுகிறது.

‘காஞ்சனா’ படத்தில் ராகவா லாரன்ஸ் பெண் வேடம் ஏற்று நடித்திருக்கிறார். இப்படத்தில் நடிகர் சரத்குமார் அரவாணியாக நடிக்கிறார் என்பது குறிப்பிடத் தக்கது.

fm