உலக தமிழ் மாநாடு என்ற விளம்பரம்

by மகா பிரபு Sat Jul 02, 2011 3:21 pm

உலக தமிழ் மாநாடு நடத்தப்படுவதே வீண் விளம்பரத்திற்காக தான். ஆட்சியாளர்கள் பெயர் எடுக்கவே இப்படி மாநாடு நடத்துகிறார்கள். சமீபத்தில் நடனத்த
செம்மொழி மாநாட்டில் கலைஞர் அவர்களில் குடும்பம் எந்த அளவுக்கு தங்கள்
பங்களிப்பை அளித்தார்கள் என்பது வேதனைக்கு உரியது. இதனால் தான் அவர்கள்
ஆட்சியையும் இழந்தார்கள். இதையெல்லாம் வைத்து கொண்டு கலைஞரை திட்டி
தீர்த்தும் ஜெயாவை தலையில் தூக்கி வைத்து கொண்டு ஆடிய அன்பு உடன்
பிறப்புகளே, கீழ் வரும் பாடலை படியுங்கள். இதுதான் ஜெயா நடத்திய உலக தமிழ்
மாநாட்டின் பாடல்.

அவ்வை
ஆண்டாள் அம்மையுமே
அழகுறப் பாடி தமிழ் வளர்த்தார்
அன்னை முதல்வர் ஜெயலலிதா

ஆட்சியில் இருந்து வளர்க்கின்றார்!
பாரதத் தாயும் தமிழ்த் தாயும்
பாங்குடன் சேர்ந்து மிளிர்வது போல்
வாராது வந்த மாமணியாம் வாழ்க
அன்னை
ஜெயலலிதா!''''

இந்த பாடலுக்கும் தமிழ் மாநாட்டுக்கும் என்ன சம்பந்தம் இருக்கிறது? சிந்தியுங்கள்.......!!

இதற்கு கலைஞரே பரவாயில்லை........!!!!!!

இதோ செம்மொழி பாடல்

பிறப்பொக்கும் எல்லா உயிர்க்கும் பிறந்த
பின்னர் யாதும் ஊரே யாவரும் கேளிர்
உண்பது நாழி உடுப்பது இரேண்டே
உறைவிடம் என்பது ஒன்றே என
உழைத்து வாழ்ந்தோம் உழைத்து வாழ்வோம்
தீதும் நன்றும் பிறர்தர வாரா
எனும் நன்மொழியே நம் பொன்மொழியாம்
போரைப் புறம் தள்ளி பொருளை பொதுவாக்கவே
அமைதி வழி காட்டும் அன்பு மொழி
ஐயன் வள்ளுவன் வாய் மொழியாம்
செம்மொழியான தமிழ் மொழியாம்
ஓரறிவு முதல் ஆறறிவு உயிரினம் வரையிலே
உணர்ந்திடும் உடலமைப்பை பகுத்துக் கூறும்
ஒல்காப் புகழ் தொல்காப்பியமும்
ஒப்பற்ற குறள் கூறும் உயர் பண்பாடு
ஒலிக்கின்ற சிலம்பும் , மேகலையும்
சிந்தாமணியுடனே வளையாபதி குண்டலகேசியும்
செம்மொழியான தமிழ் மொழியாம்
கம்பன் நாட்டாழ்வாரும் கவிஅரசி அவ்வைநல்லாளும்
எம்மதமும் ஏற்று புகழ்கின்ற
எத்தனையோ ஆயிரம் கவிதை நெய்வோர் தரும்
புத்தாடை அனைத்துக்கும் வித்தாக விளங்கும் மொழி
செம்மொழியான தமிழ் மொழியாம்
அகமென்றும் புறமென்றும் வாழ்வை அழகாக வகுத்தளித்து
ஆதி அந்தமில்லாது இருக்கின்ற இனியமொழி
ஓதி வளரும் உயிரான உலக மொழி
நம்மொழி நம் மொழி…அதுவே
செம்மொழியான தமிழ் மொழியாம்
தமிழ் மொழி தமிழ் மொழி தமிழ் மொழியாம்….
செம்மொழியான தமிழ் மொழியாம்
வாழிய வாழியவே வாழிய வாழியவே வாழிய வாழியவே..