கிரிக்கெட்:சாம்பியன்ஸ் லீக் அட்டவணை அறிவிப்பு * சென்னை கிங்ஸ்-மும்பை இந்தியன்ஸ் மோதல்

புதுடில்லி:மூன்றாவது சாம்பியன்ஸ் லீக் "டுவென்டி-20' தொடருக்கான அட்டவணை அறிவிக்கப்பட்டுள்ளது. "நடப்பு சாம்பியன்' சென்னை சூப்பர் கிங்ஸ் அணி, முதல் போட்டியில், மும்பை இந்தியன்ஸ் அணியை சந்திக்கிறது.
இந்தியா, ஆஸ்திரேலியா, தென் ஆப்ரிக்க உள்ளிட்ட நாடுகளின் உள்ளூர் "டுவென்டி-20' தொடரில், முதல் இரண்டு இடம் பெற்ற அணிகள் மோதும், மூன்றாவது சாம்பியன்ஸ் லீக் "டுவென்டி-20' தொடர், வரும் செப்டம்பர் 23 முதல் அக்டோபர் 9 வரை நடக்கிறது.
இதில் நான்காவது ஐ.பி.எல்., "சாம்பியன்' சென்னை சூப்பர் கிங்ஸ், மும்பை இந்தியன்ஸ், பெங்களூரு ராயல் சாலஞ்சர்ஸ் மற்றும் ஆஸ்திரேலியாவின் ரெட் பேக்ஸ் உள்ளிட்ட 7 அணிகள் நேரடியாக தகுதி பெற்றுள்ளன. மீதமுள்ள மூன்று அணிகள் தகுதிச் சுற்றின் அடிப்படையில் தேர்வாகும்.
தகுதி விவரம்:
தகுதி சுற்றில் பங்கேற்கும் கோல்கட்டா, டிரினிடாட் டுபாகோ உள்ளிட்ட ஆறு அணிகள், இரு பிரிவுகளாக பிரிக்கப்பட்டுள்ளன. லீக் போட்டியின் முடிவில் ஒவ்வொரு பிரிவிலும் முதல் இரு இடங்களைப் பெறும் அணிகள் தவிர, மூன்றாவது அதிகபட்ச புள்ளி பெற்ற ஒரு அணி என, மொத்தம் 3 அணிகள் சாம்பியன்ஸ் லீக் தொடருக்கு தகுதிபெறும். இப்போட்டிகள் வரும் செப்டம்பர் 19, 20, 21ம் தேதிதகளில் ஐதராபாத்தில் நடக்கும்.
இரண்டு பிரிவு:
முக்கிய சுற்றில் மொத்தம் உள்ள 10 அணிகள், இரு பிரிவுகளாக பிரிக்கப்பட்டுள்ளது. "ஏ' பிரிவில் சென்னை, மும்பை, நியூ சவுத் வேல்ஸ் புளூஸ் (ஆஸி.,), கேப் கோப்ராஸ் (தெ.ஆப்.,) மற்றும் தகுதி சுற்று "பி' பிரிவில் வெல்லும் அணி என, மொத்தம் 5 அணிகள் இடம் பெற்றுள்ளன. "பி' பிரிவில் பெங்களூரு, ரெட் பேக்ஸ் (ஆஸி.,), வாரியர்ஸ் (தெ.ஆப்.,) மற்றும் தகுதி சுற்றில் இருந்து இரண்டு அணிகள் உள்ளன.
சென்னை அணி தனது முதல் போட்டியில் (செப்., 24), மும்பை இந்தியன்ஸ் அணியை எதிர்கொள்கிறது. இரு பிரிவிலும் முதல் இரு இடங்களை பெறும் அணிகள், அக்., 7, 8ல் நடக்கும் அரையிறுதி போட்டிக்கு தகுதி பெறும். இத்தொடரின் பைனல் வரும் அக்., 9ல் சென்னையில் நடக்கவுள்ளது.
--

சென்னை அணியின் சிங்க நடை தொடர வாழ்த்துக்கள்...

சென்னை தான் மீண்டும் சாம்பியன்