விஷ வண்டுகள் தாக்குதல்: மகனை காத்து உயிரிழந்த தாய்

by positivekarthick Tue Jun 28, 2011 8:52 am

கடலூர்: கடலூர் அருகே, விஷ வண்டு தாக்குதலில் இருந்து, மகனைக் காப்பாற்ற முயன்ற தாய் உயிரிழந்தார். கடலூர் அடுத்த சங்கொலிக்குப்பத்தைச் சேர்ந்தவர் மணிகண்டன்; இவரது மனைவி பஞ்சாமிர்தம், 35; மகன் மதன்குமார், 11 மற்றும் அதே ஊரைச் சேர்ந்த பெண் ஒருவருடன், நேற்று முன்தினம், முந்திரிதோப்பிற்கு சென்றனர். "கதண்டு' எனப்படும் விஷ வண்டுகள், மதன்குமாரைத் தாக்கின. மகன் அலறல் சத்தத்தைக் கேட்டு, விஷ வண்டுகள் தாக்காமல் இருக்க, தன் சேலையால் மதன்குமாரை, பஞ்சாமிர்தம் மூடினார். இதனால், விஷ வண்டுகள் பஞ்சாமிர்தத்ததையும் சூழ்ந்து தாக்கின. சற்று நேரத்தில் தாய், மகன் இருவரும், மயங்கி விழுந்தனர். உடன் சென்ற பெண், தகவல் தெரிவித்ததையடுத்து, இருவரையும் படகு மூலம் உப்பனாற்று மேற்கு பகுதிக்கு அழைத்து வந்து, அங்கிருந்து கடலூர் அரசு மருத்துவமனைக்கு கொண்டு வந்தனர். மேல் சிகிச்சைக்காக இருவரும், புதுச்சேரி அரசு மருத்துவமனையில் சேர்க்கப்பட்டனர். அங்கு, பஞ்சாமிர்தம் இறந்தார்; மதன்குமாருக்கு தீவிர சிகிச்சை அளிக்கப்படுகிறது.
தினமலர்

by தாமு Tue Jun 28, 2011 8:53 am

விஷ வண்டுகள் தாக்குதல்: மகனை காத்து உயிரிழந்த தாய்

விஷ வண்டுகள் தாக்குதல்: மகனை காத்து உயிரிழந்த தாய்

Re: விஷ வண்டுகள் தாக்குதல்: மகனை காத்து உயிரிழந்த தாய்