பிரிவு என்பது...பிரிந்தவர்களுக்கு மட்டும் இல்லை போலும்..

by **rameshnaga** Mon Jun 27, 2011 1:02 pm

பேச மொழியற்று..உறைந்து விடுகின்றன..
நாம் சந்தித்த இடங்கள்-
இன்று நான் தனியாய் செல்ல நேர்கையில்.
சல..சலப்பற்று அடங்கி நிற்கிறது நமது நிழல்களில்..
காதலை வேருடன் பதியன் இட்ட மரம்.
அதன் காலடியில்..உதிர்ந்து கிடக்கும் சாம்பல் நிற சருகுகள்..
உணர்த்திவிடுகின்றன..வரப்போகும் கனியற்ற வசந்த காலங்களை.
கடற்கரையில்..கால்களில் மோதும் அலைகள்..
அமைதியாகிப் பின்..பாதங்களில் எதையோ எழுதிக்
கண்ணீருடன் திரும்பி விடுகிறது கடலுக்குள்.
எப்போதும்..கண்ணாடியில் நான் பார்க்கையில்..
தெரியும் உனது முகம்..
உறைந்து நிற்கிறது இப்போது எல்லாக் கணங்களிலும்.
என் மேல் ஆறுதலாய் மோதித் திரும்பும் காற்றும்..
வெம்மை குறைந்த ஒளியின் கதிரும்...
அமைதியாய்த் திரும்புகின்றன..
எனது வெளிர் சாம்பல் நிறத்துடனும்..
வெட்டி எறிய இயலாத என் கண்ணீர்த் துளிகளுடனும்.
எப்போதும்...
பிரிவு என்பது...பிரிந்தவர்களுக்கு மட்டும் இல்லை போலும்.