களைகட்டுது திருமண ஏற்பாடு!

by **ந.கார்த்தி** Sun Jun 26, 2011 7:05 pm

கோவையில் கார்த்தி-ரஞ்சிதா
திருமணம் ஜூலை 3-ஆம் தேதி நடக்க உள்ளது என்பது முன்பே அறிவித்த விஷயம்.
எம்ஏ ஆங்கில இலக்கியம் படித்துள்ள மணமகள் ரஞ்சனி ஈரோட்டைச் சேர்ந்த
சின்னசாமி-ஜோதி மீனாட்சி தம்பதியின் மகள் ஆவார். அண்மையில் ஈரோட்டில் உள்ள
மணமகள் வீட்டில் கார்த்தி-ரஞ்சனி திருமண நிச்சயதார்த்தம் நடந்தது. தற்போது
திருமண ஏற்பாடுகளில் கார்த்தி குடும்பத்தினர் தீவிரமாக ஈடுபட்டுள்ளனர்.
நடிகர், நடிகைகள் மற்றும் முக்கிய பிரமுகர்களுக்கு அழைப்பிதழ்கள்
வழங்கப்பட்டு வருகின்றன. மணப்பெண்ணுக்கான புடவைகள், நகைகள் தேர்வு செய்யும்
பணியில் நடிகர் சூர்யாவின் மனைவி ஜோதிகா தீவிரமாக ஈடுபட்டுள்ளார். அவருடன்
கார்த்தியின் தாய் லட்சுமி, சகோதரி பிருந்தா ஆகியோரும் பிரபல ஜவுளி
கடைகளுக்கு சென்று புடவைகளை தேர்வு செய்து வருகின்றனர். காஞ்சிபுரத்திலும்
பட்டுப் புடவைகளை வாங்க உள்ளனர். இந்த விழாவில் சினிமா துறையை சேர்ந்த பல
பெரும் புள்ளிகள் கலந்துகொள்ள போகிறார்கள் என்பது அனைவரும் அறிந்ததே.
திருமண வரவேற்பு நிகழ்ச்சி சென்னை கிண்டியில் உள்ள லீ ராயல் மெரிடியன்
ஓட்டலில் ஜூலை 7-ந்தேதி மாலை நடக்கிறது. இந்த திருமணத்தின் முக்கிய அம்சமாக
புகழ் பெற்ற நவீன் ஐயர் என்கிற புல்லாங்குழல் வித்வானின் இசை நிகழ்ச்சி
நடக்க உள்ளது. இவர் ஏ.ஆர். ரஹ்மான், யுவன்சங்கர் ராஜா மற்றும்
ஜீ.வி.பிரகாஷ்குமார் போன்ற இசையமைப்பாளர்களுடன் பணியாற்றியுள்ளார்.
TMT களைகட்டுது திருமண ஏற்பாடு! 678642