குழந்தை வரம் தரும் கர்பரக்ஷாம்பிகை

"குழல் இனிது யாழ் இனிது என்பர் தம்
மக்கள் மழலை சொல் கேளாதவர்" என்பது வள்ளுவன் வாக்கு,

ஆனால் அனைவருக்கும் குழந்தை செல்வம் அவ்வளவு எளிதில் கிடைப்பதில்லை. குழந்தை இல்லாதவருக்கு இரண்டு வகையான தோஷம் இருப்பதாக ஜோதிடம் கூறுகிறது, அவை சயன தோஷம், புத்திர தோஷம். இந்த தோஷங்கள் இருபவர்களுக்கு குழந்தை பாக்கியம் உடனடியாக கிடைப்பதில்லை. கரு உருவாதல், உறுவான கரு நிலையாக நில்லாது போதல் போன்ற பல பிரச்சனைகளை சந்திக்க நேரும் . இப்படிப்பட்ட சகல தோஷகளுக்கும் அரு மருந்தாக இருப்பது திருக்கருகாவூர் முல்லைவன நாதருடன் கருகாத்த நாயகி கர்பரக்ஷாம்பிகை வீற்றிருக்கும் திருக்கோவில் ஆகும். மூவராலும் பாடல் பெற்ற திருத்தலம். பஞ்ச ஆரண்ய தலங்களுள் முதன்மை தலம்.

பல ஆண்டுகள் குழந்தை இல்லாதவர்களும், திருமண தாமதம் ஆகும் பெண்களும் இக்கோவிலுக்கு வந்து அம்மனின் வாசலில் நெய்யினால் கோலம் இட்டால் அவர்களின் தோஷம் விலகி சந்தோஷம் பொங்கும். முல்லைவன நாத இறைவனுக்கு வளர்பிறை பிரதோஷத்தில் புணுகினால் அர்ச்சனை செய்தால் தீராத தோல் நோய் குணம் ஆகும் என்பது கண் கண்ட உண்மை. கரு உண்டானவர்களுக்கு விளக்கெண்ணை மருந்தாக தரப்படுகிறது, இந்த விளக்கெண்ணையை தடவி வந்தால் சுகப்பிரசவம் ஆகும் .

தல இருப்பிடம்

கும்பகோணதிர்க்கு தென்மேற்கில் , சுமார் 20 கி.மீ தூரத்தில் தஞ்சாவூர் செல்லும் வழியில் பாபநாசத்திருக்கு அருகில் உள்ளது. தஞ்சையில் இருந்தும், கும்பகோணத்தில் இருந்தும் பேருந்து வசதி உண்டு.

கோவில் திறந்திருக்கும் நேரம்
காலை 5.30 மணி முதல் 1.00 மணி வரையும்
மாலை 4.00 மணி முதல் 8.00 மணி வரை.

காலை 5.30 மணிக்கு நடை பெரும் உசத் கால பூஜை மிகவும் சிறப்பானது.

நேரில் வர இயலாதவர்கள் தபால் மூலமும் நெய் (குழந்தை உருவாக) மற்றும் விளக்கெண்ணை (கரு நிலைக்க, சுகப் பிரசவம் ஆக) தங்கள் பெயர், நட்சத்திரம் எழுதி (நெய் உள்நாடு - Rs.100, வெளிநாடு - Rs.250 , விளக்கெண்ணை உள்நாடு - Rs.100, வெளிநாடு - Rs.250) மணியாடர் மூலம் பணம் அனுப்பி பெறலாம். குழந்தை பிறந்த பிறகு வந்து தரிசிக்கலாம்.

கோவிலின் விலாசம்

நிர்வாக அதிகாரி
அருள்மிகு முல்லைவனநாத திருக்கோவில்
திருக்கருகாவூர் , பாபநாசம் தாலுக்கா
தஞ்சாவூர் மாவட்டம் - 614302 , தமிழ்நாடு
ph : 04374 273423
www.garbaratchambigaitemple.org
இமெயில் : garbaratchambigai@sancharnet.in

ஈகரை நண்பர்களும் அவர்களின் உறவினர்களும் அம்மனின் அருள் பெற்று குழந்தை செல்வம் அடைய நாள் வாழ்த்துக்கள்.

ரொம்ப சக்தி வாய்ந்த அம்பாள் நிறைய பேர் அங்கு வேண்டிக்கொண்டு குழந்தை பெற்றதை நான் பார்த்துள்ளேன் .

அந்த அம்பாளின் போட்டோ

அம்பாளின் புகைப்படம் பதிந்தமைக்கு மிக்க நன்றி

மிக அருமையான பகிர்வுக்கு அன்பு நன்றிகள் சதாசிவம்...

கர்ப்பரஷாம்பிகை படமும் அற்புதம் கிர்ஷ்ணாம்மா அன்பு நன்றிகள்.

மிக பகிர்வுக்கு சதாசிவம்...

கர்ப்பரஷாம்பிகை படமும் கிர்ஷ்ணாம்மா

தாமு மற்றும் மஞ்சுபாஷினிக்கு நன்றி