ஆப்பிள் நிறுவனத்தின் முதல் எப்.எம்-ரேடியோ ஐ-பாட்!

by மீனு Sun Sep 13, 2009 12:19 pm

ஆப்பிள் நிறுவனத்தின் முதல் எப்.எம்-ரேடியோ ஐ-பாட்!

விலை உயர்ந்த டிஜிட்டல் சாதனங்களை தயாரித்து விற்பனை செய்து வரும் ஆப்பிள் நிறுவனம் முதல் முறையாக 'எப்.எம் ரேடியோ' உடன் கூடிய புதிய ஐ-பாட் சாதனத்தை அறிமுகம் செய்துள்ளது.

கையடக்க எம்.பி 3 பிளேயர் என்றாலே விற்பனையில் முதலிடத்தில் இருப்பது ஆப்பிள் நிறுவனத்தின் ஐ-பாட் சாதனம் தான். காரணம் இரைச்சல் இல்லாத துல்லியமான இசை, மற்றும் சாதனத்தின் வடிவமைப்பு,புதிய தொழில்நுட்பத்தை அறிமுகம் செய்வது இவை கள் தான் ஆப்பிள் சாதனங்களை மக்கள் விரும்பி வாங்குவதற்கு முக்கிய காரணம்.

இன்றும் கூட ஐ-பாட் சாதனத்தை முறியடிக்க இதுவரை வேறு ஒரு சாதனம் வரவில்லை. அதே நேரம் தனது வாடிக்கையாளர்களை தொடர்ந்து தக்க வைத்துக் கொள்ள புதிய புதிய வசதிகளையும், தொழில்நுட்பங்களையும் தர வேண்டியது ஆப்பிள் நிறுவனத்தின் கடமையாகிறது.

அந்த வகையில் இதுவரை தான் தயாரித்து வெளியிட்ட எந்த டிஜிட்டல் சாதனங்களிலும் எப்.எம் ரேடியோ வசதியை தராத ஆப்பிள் நிறுவனம் முதல் முறையா தனது ஐ-பாட் சாதனத்தின் நானோ வரிசையில் எப்.எம் மற்றும் வீடியோ கேமராவுடன் கூடிய புதிய சாதனத்தை சந்தையில் அறிமுகம் செய்துள்ளது.

ஆப்பிள் நிறுவனத்தின் முதல் எப்.எம்-ரேடியோ ஐ-பாட்! Features_radio

ஆப்பிள் நிறுவனத்தின் முதல் எப்.எம்-ரேடியோ ஐ-பாட்! Features_radio

இந்த ஐ-பாட் சாதனத்தில் உள்ள எப்.எம் ரேடியோ வில் உள்ள சிறப்பம்சம் என்னவென்றால் நேரடியாக ஒளிபரப்பாகிக்கொண்டிருக்கும் நிகழ்ச்சிகளை நிறுத்தி விட்டு மீண்டும் விட்ட இடத்திலிருந்தே நிகழ்ச்சிகளை கேட்க முடியும்.அதாவதி இதை live pause என்று சொல்வார்கள்.

இந்த தொழில்நுட்பத்தை எப்.எம் ரேடியோவில் முதல் முறையாக ஆப்பிள் நிறுவனம் மட்டுமே அறிமுகம் செய்துள்ளது என்பது குறிப்பிடத்தக்கது.

விரைவில் இந்த எப்.எம் ரேடியோ வசதியை வரும் காலங்களில் அறிமுகப்படுத்தப்போகும் தனது புதிய மாடல் ஐ-போனிலும் ஆப்பிள் நிறுவனம் தரும் என்று எதிர்பார்க்கலாம்.