ஏற்றத்தாழ்வுகள் உங்களுக்குப் புதிதல்ல… உடம்பை பாத்துக்கங்க! – கருணாநிதியிடம் போனில் பேசிய ரஜினி

சென்னை: மருத்துவமனையிலிருந்து டிஸ்சார்ஜ் ஆன சூப்பர் ஸ்டார் ரஜினி நேற்று இரவு திமுக தலைவர் கருணாநிதியுடன் தொலைபேசியில் பேசினார்.
அப்போது தனக்கு வாழ்த்து கூறிய கருணாநிதியிடம், “வாழ்க்கையில் நீங்கள் பார்க்காத ஏற்றத்தாழ்வுகள், மேடுபள்ளங்கள் இல்லை. எதைப்பற்றியும் கவலைப்படாமல் இருங்கள்”, என்று கூறினார் ரஜினி.
தான் பூரண நலமடைந்துவிட்டதாக தெரிவித்த அவருக்கு, கருணாநிதி தனது வாழ்த்துக்களைத் தெரிவித்தார்.
சிங்கப்பூரில் சிகிச்சை பெற்று வந்த நடிகர் ரஜினிகாந்த் நேற்று சிகிச்சை முடிந்து வீட்டுக்கு வந்தார். மேலும் சில வழக்கமான சோதனைகள் இருப்பதால் சிங்கப்பூரிலேயே வாடகைக்கு வீடு எடுத்து தங்கியுள்ளார்.
இந்நிலையில் நேற்று முதல்வர் ஜெயலலிதாவை தொலைபேசியில் தொடர்பு கொண்டு தனது உடல்நிலை குறித்து தகவல் தெரிவித்தார். ஜெயலலிதா முதல்வராகியுள்ளதற்கு வாழ்த்தும் தெரிவித்தார்.
அடுத்து திமுக தலைவர் கருணாநிதியுடன் நடிகர் ரஜினிகாந்த் தொலைபேசியில் பேசினார். தமது உடல் நலம் குறித்தும், சிங்கப்பூரில் தனக்கு அளிக்கப்பட்ட சிகிச்சைகள் குறித்தும் கலைஞரிடம் தொலைபேசியில் ரஜினிகாந்த் விவரித்தார்.
உடல்நலம் தேறி ரஜினி விரைவில் சென்னை திரும்ப மனமாற வாழ்த்துவதாகவும், மீண்டும் பழைய வேகத்துடன் படங்களில் நடிக்க வேண்டும் என தான் விரும்புவதாகவும் கருணாநிதி வாழ்த்தினார்.
அவருக்கு பதிலளித்த ரஜினி, “உங்கள் வாழ்த்துக்களுக்கு நன்றி. வாழ்க்கையில் நீங்கள் பார்க்காத ஏற்றத்தாழ்வுகள், மேடுபள்ளங்கள் இல்லை. எதைப்பற்றியும் கவலைப்படாமல், உடல் நிலையைப் பார்த்துக் கொள்ளுங்கள். அதுதான் முக்கியம்,” என்றார்.
இந்த தகவலை திமுக தலைமை நிலையம் அறிவித்துள்ளது.

என்வழி

இதெதுக்கு தேர்தல் சமையத்துல சும்மா கிடந்தத சொறிஞ்சு விட்டுட்டு பழைய படி முதல்லருந்து ஆரம்பிக்கிறார்...

அம்மா ஆட்சிக்கு வந்தால் ஆண்டவனால் கூட தமிழ் நாட்டை காப்பாத்த முடியாது -நு சொன்னவர் தானே இந்த கிழ சூப்பர் ஸ்டார்.

ரஜினி ரஜினிதான் ,இதுபோல் இருவரிடமும் ஒரே நாளில் பேச முடிந்த தமிழ் நாட்டு நபர் ரஜினி ஒருவராகத்தான் இருக்க முடியும்

கருணாநிதிக்கு ரஜினியின் வார்த்தைகள் மிகவும் ஆறுதலாய் இருந்திருக்கும்

ராம்

டபுல் சைட் கோல் போடுறார் ரஜினி ..... நல்லா இருந்தா சரி