ராமேஸ்வரத்தில் புலிகள், ‘குதிரை’ கடத்தல்!

by realvampire Thu Jun 16, 2011 12:24 pm

“டீசல் கடத்தினார்கள், ஆயுதம் கடத்தினார்கள்” என்றுதான்
ராமேஸ்வரத்திலிருந்து செய்திகள் வரும். சில சமயங்களில், ஆள் கடத்தல்
(காதலி, அல்லது எதிரி) என்றும் செய்திகள் வருவதுண்டு.
ஆனால், இம்முறை ராமேஸ்வரம் போலீஸ், வித்தியாசமான செய்தியை வெளியிட்டுள்ளது: “கடல் குதிரை கடத்தல்!”
ராமேஸ்வரம் பஸ் நிலையத்தில் சுற்றிவளைத்து (குதிரையை அல்ல,
கடத்தியவர்களை) கைது செய்திருப்பவர்கள், போலீஸ் அல்ல, தமிழ்நாடு வனத்துறை அதிகாரிகள். கைதாகியுள்ள குமரகுரு, சிவா, நவஜீவதாஸ் ஆகிய மூவரிடமும் இருந்து 3 கிலோ கடல் குதிரைகள் பறிமுதல் செய்யப்பட்டுள்ளன.
கடல் குதிரைகள் ராமேஸ்வரத்திலிருந்து, ஸ்ரீலங்காவுக்கு படகில் கடத்தப்பட
இருந்ததாக வனத்துறை அதிகாரிகள் தெரிவித்துள்ளனர். மொத்தம் 2509
கடற்குதிரைகளை (அட. எண்ணியுமிருக்கிறார்களே!) இவர்கள் கடத்த முயன்றதாக
வழக்கு பதிவாகியுள்ளது.

ராமேஸ்வரத்தில் புலிகள், ‘குதிரை’ கடத்தல்! 20110614-HOR-3

காயவைக்கப்பட்ட நிலையில் கடல் குதிரைகள்

கடல் குதிரைகள் மிக அபூர்வமான கடல் உணவாகக் கருதப்படுகின்றது.
வெளிநாடுகளில் இவற்றுக்கு நல்ல கிராக்கி உண்டு. சீனா, தாய்வான்,
பிலிப்பீன்ஸ் ஆகிய நாடுகளில் கடல் குதிரைகள் மருத்துவ ரீதியான உணவாக
உண்ணப்படுகின்றன.
ஆனால், இந்தியாவில் கடல் குதிரைகளை வைத்திருப்பது இந்திய வனக்காவல் சட்டப் பிரிவு 1972ன்படி குற்றமாகும்.
தமிழக உளவுப் பிரிவு ‘கியூ பிரான்ச்’, இந்தக் கடத்தலுக்கும் விடுதலைப்
புலிகளுக்கும் தொடர்பு இருப்பதாக இன்னமும் தெரிவிக்கவில்லை. விரைவில்
தெரிவித்து விடுவார்கள்.
அதனால்தான் அட்வான்சாக, “ராமேஸ்வரத்தில் புலிகள், ‘குதிரை’ கடத்தல்!” என்று தலைப்பிட்டுள்ளோம்!

நன்றி:விறுவிறுப்பு