தமிழர்களுக்கு கூடுதல் அதிகாரம் வழங்க முடியாது, இலங்கை அதிபர் ராஜபக்சே பிடிவாதம்

இலங்கையில், தமிழர்களுக்கு கூடுதல் அதிகாரம் வழங்க முடியாது என்று அதிபர் ராஜபக்சே பிடிவாதமாக கூறியுள்ளார்.

பேச்சுவார்த்தை

தேசிய பாதுகாப்பு ஆலோசகர் சிவசங்கர் மேனன், வெளியுறவு செயலாளர் நிருபமா ராவ், பாதுகாப்பு செயலாளர் பிரதீப் குமார் ஆகியோர் நேற்று முன்தினம் இலங்கை அதிபர் ராஜபக்சேவுடன் பேச்சுவார்த்தை நடத்தினர். அப்போது, இலங்கை தமிழர் பிரச்சினைக்கு விரைவில் அரசியல் தீர்வு காணுமாறு வலியுறுத்தினர். மீனவர் பிரச்சினை பற்றியும் ஆலோசனை நடத்தினர்.

இந்திய குழுவிடம் ராஜபக்சே என்ன சொன்னார் என்ற விவரம் வெளியிடப்படவில்லை. இந்நிலையில், கொழும்பு நகரில் இருந்து வெளிவரும் `தி சன்டே டைம்ஸ்' என்ற பத்திரிகை, ராஜபக்சே தெரிவித்த கருத்துகளை வெளியிட்டுள்ளது.

அதிகாரம் கிடையாது

கடந்த 1987-ம் ஆண்டு கையெழுத்தான ராஜீவ் காந்தி-ஜெயவர்த்தனா ஒப்பந்தப்படி, இலங்கை அரசியல் சட்டத்தில் 13-வது திருத்தம் மேற்கொள்ளப்பட்டது. இதன்படி, தமிழர் பகுதியில் மாகாண கவுன்சில் அமைக்கப்பட்டது.

இந்த கவுன்சிலுக்கு போலீஸ் அதிகாரமும், நிலத்தின் மீதான கட்டுப்பாட்டு அதிகாரமும் வழங்கப்பட வேண்டும். ஆனால் இந்த அதிகாரம் இல்லாமல், மாகாண கவுன்சில், பொம்மை போல உள்ளது.

இந்நிலையில், இந்திய குழுவிடம், மாகாண கவுன்சிலுக்கு போலீஸ் அதிகாரமும், நில அதிகாரமும் வழங்க முடியாது என்று ராஜபக்சே கூறி விட்டதாக `சன்டே டைம்ஸ்' தெரிவித்துள்ளது. அதே சமயத்தில், 13-வது திருத்தப்படி, பொது பட்டியலில் சேர்க்கப்பட்டுள்ள மற்ற விஷயங்களை நிறைவேற்ற தயாராக இருப்பதாக ராஜபக்சே உறுதி அளித்துள்ளார்.

அவசர கால சட்டம் வாபஸ்

வடக்கு மற்றும் கிழக்கில் தற்போது போர் இல்லாததால், போரின்போது அமல்படுத்தப்பட்ட அவசர கால சட்டத்தை வாபஸ் பெறத்தயார் என்றும் அவர் கூறினார்.

தமிழர்களுக்கு அதிக அதிகாரம் வழங்க முடியாது என்று ராஜபக்சே கூறிவிட்டதால், இந்தியாவுக்கும், இலங்கைக்கும் இடையே மோதல் போக்கு ஏற்படும் என்று `சன்டே டைம்ஸ்' கூறியுள்ளது.

தினதந்தி

நாடாளத் தகுதியில்லாத நரிப் பிறவிகள் இவர்கள்!!!

அவரின் நிஜமுகம் தெரியதொடங்கிவிட்டது ... ஐ.நா சபை தூங்கிக்கொண்டுயிருக்கும் வரை அவரின் ஆட்டம் தொடரும்...